Хаартыска: Александр Филиппов-Бири тиксэриитэ.
Өлүөхүмэ улууһун 1-Нөөрүктээйи кыраайы үөрэтэр түмэлин салайааччыта, уопсастыбаннай кэрэспэдьиэммит Александр Филиппов-Бири Өлүөнэ өрүс пааматынньыгын хоһуйбут хоһоонун ааҕыҥ.
«Лена» пааматынньыкка ода
Таманын таһаата,
Тамайбыт таастара-
Тааллара талбаардар
Таабырын талыыта.
Ууллаҕас уҥуоҕун
Ууннара хамсатан
Уоланым дууһатын
Уолута долгутар.
Умайар уостарын
Уостубат уоттара-
Уола хаан имэҥин
Уоскуйбат уохтара!
Эппэҥниир түөстэрин
Элэктиир эйгэтэ-
Эр бэрдин эрэлин
Эрэйэр эриирэ.
Суһуоҕун субуутун
Суугунас кууһуута
Сулумах уолчааны
Суулуура уоскута
Хамсатар хараҕа,
Хаастара хаамара…
Халыан уол хайыаҕай,
Харсыттан тахсара.
Туймаардар сытыгар
Тууйулла, тууһура
Туруу уол тыҥата
Тумнаста тыынара.
Дьэп-дьэҥкир силиитэ
Дьиэрэҥкэй тэбэрэ
Дьэбир уол сүрэҕэр
Дьээбэнэн тэйэрэ.
Итиикээн хааннара
Иитинэн тыгара,
Итирдэ илгистэ
Иирдэрэ, кыынньыыра.
Аатырар Ааннааҕым
Ааннарын аһара…
Ахсымныыр айанын
Айар уол туойара.
Сир кэрэ көстүүтүн-
«Өлүөнэм» мөссүөнүн
Атыннык хоһуйан
Хоппотум суруйан.
Александр ФИЛИППОВ, 2015 с.
Тохсунньу саҕаланыаҕыттан Дьокуускайга саастарын ситэ илик оҕолор уруулга олорон, иккитэ массыына саахалланыытын таһаардылар. Тохсунньу 8…
Бу көҕүлээһининэн Уопсастыбаннай балаата дьарыктана сылдьар. "Дьиэ кэргэн стипендията" ый аайы төлөнүөҕэ уонна тиийинэн олоруу…
Авиахампаанньалар кулун тутар 1 күнүттэн пассажирдарга эрдэттэн көтүү усулуобуйатын, билиэккэ киирбит уларыйыылар, көтүүттэн аккаастаныы уонна…
Уус Маайа улууһун борокуратуурата дьахтарга көрүллүбүт күһэлэҥ үлэни накаастабыл атын көрүҥүнэн солбуйар туһунан суут көрбүт…
Нам улууһун Аппааны сэлиэнньэтигэр “Култуура” национальнай бырайыагынан 2022 сыллаахха тутуллубут Култуура дьиэтигэр наадалаах малы-салы киинэни…
Арассыыйаҕа ипэтиэкэни хос аахтарыыга (рефинансированиеҕа) киирэр уларыйыылар олунньу 1 күнүттэн олоххо киириэхтэрэ – комбинированнай ипэтиэкэ…