Александр Готовцев: Владимир Путин «Дьиэ кэргэн» национальнай бырайыагын биһириибит»

Арассыыйа Бэрэсидьиэнэ Владимир Путин Федеральнай Мунньахха туһаайбыт Анал этиитинэн Хаҥалас улууһун элбэх оҕолоох дьиэ кэргэнин аҕа баһылыга Александр Готовцев санаатын үллэһиннэ:

— Дойду аҕа баһылыга Владимир Путин РФ Федеральнай Мунньаҕар туһаайбыт Анал этиитин болҕойон иһиттибит. Арассыыйа Бэрэсидьиэнэ Федеральнай Мунньахха туһаайбыт этиитэ, туруорбут соруктара, барыта олоххо киирдэҕинэ олус бэрт буолуо этэ.

Владимир Путин Анал этиитигэр саҥа «Дьиэ кэргэн» диэн национальнай бырайыагы таһаарыахпыт диэн этиитин биһирии иһиттибит, ол аата элбэх оҕолоох дьиэ кэргэҥҥэ өссө улахан болҕомто ууруллуо. Ону таһынан элбэх оҕолоох ыалы, эдэр дьиэ кэргэни өйүүр баар дьаһаллар салгыы ыытыллыахтара, эбии өссө саҥалар баар буолалларыгар эрэннэрдэ. Онон биһиги дойдубут баһылыгын, лиидэрбитин, кини ыытар судаарыстыбаннай бэлиитикэтин өйүүбүт.