Александр Колесов: «Бэрэсидьиэн байыаннай эпэрээссийэ байыастарын өйүүр эбии миэрэлэри көҕүлээһинэ кэтэһиилээх уонна кэмигэр»

1. Владимир Путин бүгүн, олунньу 21 күнүгэр, Федеральнай Мунньахха Этиитигэр байыаннай эпэрээссийэҕэ суох буолбуттар дьиэ кэргэттэрин уонна бэтэрээннэри өйүүр судаарыстыбаннай пуонданы тэрийэргэ сорудахтаата. Байыаннай эпэрээссийэ бэтэрээнэ, “Боотур” баҕа өттүнэн тэриллибит этэрээт хамандыыра Александр Колесов бу миэрэни кэмигэр тэриллэн эрэр диэн этэр.

— Саха сирэ — байыастар дьиэ кэргэттэригэр уонна байыаннай сулууспалаахтарга ураты болҕомтолоохтук сыһыаннаһар эрэгийиэннэртэн биирдэстэрэ. Байыастар уонна кинилэр дьиэ кэргэттэрин боппуруостарын быһаарар  биир кэлим координационнай киин үлэлиир. Ол эрээри, бу курдук ньымалар дойду бары эрэгийиэннэригэр тэриллибит буолбатахтар. Өйөбүл миэрэлэрин тэҥниир биир кэлим институт ирдэнэр, ол иһигэр суох буолбут байыастар дьиэ кэргэттэригэр көмөлөһөр.

Дойду баһылыга бэйэлэрин быһаарыылаах хамандыыр быһыытынан көрдөрбүт аппыһыардар уонна сержаннар “гражданкаҕа” суолталаныахтаахтар диэн эттэ. Бу боппуруоһу биһиги өрөспүүбүлүкэбитигэр эмиэ көтөҕө сылдьыбыттара. Доруобуйаларын чөлүгэр түһэрэн баран, урукку гражданскай идэлэригэр төннүөхтэрин баҕарар байыастар төннүөхтэрэ. Биһиги хас биирдии байыаһы кытта сибээскэ баарбыт.

Ону таһынан, Владимир Путин бэлиэтээбитинэн, байыастар уоппускаларыгар дьиэ кэргэннэрин көрсүөхтээхтэр, чугас дьоннорун кытта сылдьыахтаахтар диэтэ. Бу улахан суолталаах. Тоҕо диэтэххэ, элбэх киһи сыл аҥаарыттан ордук сулууспалыы сылдьар. Бары дьиэ кэргэттэрин аҕыннылар, онон бу көҕүлээһини үгүстэр үөрэ истиэхтэрэ, — диэн  Александр Колесов санаатын үллэһиннэ.

СӨ Ил Дарханын уонна Бырабыыталыстыбатын пресс-сулууспата.