Кэлим сүрүннүүр киин (ЕКЦ) байыаннай сулууспалаахтарга көмөтүн байыаннай дьайыы буола турар уонна чугастааҕы сирдэргэ кэҥэтэн иһиэҕэ. Билигин Крым, Ростов-на-Дону, ДНӨ куораттарыгар тирэх пууннар үлэлииллэр. Бу пууннарга өрөспүүбүлүкэттэн таһаҕастар кэлэ тураллар.
Бу туһунан Кэлим сүрүннүүр киини салайааччы, Саха сирин бастайааннай бэрэстэбиитэлэ Андрей Федотов «Боотур» этэрээт хамандыыра, 2-с «Барс» этэрээт хамандыырын солбуйааччы Александр Колесовтыын көрсүһүүтүгэр кэпсэттилэр.
“Боотур” этэрээт байыаннай дьайыыларга бэлэмнэнэр биир дойдулаахтарыгар күүс-көмө буолуо, байыастары кытары кыттыгас үөрэҕи тэрийиэ диэн сөбүлэстилэр.
— Биһиги инники кирбиигэ сылдьан, биир дойдулаахтарбыт өйөбүллэрин билэр этибит. Көмө, өйөбүл кэлэ турбута. Холобур, “Пикап” массыынаны биэрбиттэригэр олус үөрбүппүт. Бу массыына туһата баһаам, эчэйбит байыастары таһар. Дойдубутуттан кэлбит баһыылкалар – тепловизордар, бинокллар, коптердар, суруктар, эбэлэр, ийэлэр баайбыт сылаас наскылара – биһиэхэ күүспүтүгэр күүс эбэр, санаабытын бөҕөргөтөр этилэр, — диэн Александр Колесов кэпсээтэ.
Кэлим сүрүннүүр киин көмөтүнэн, бу күннэргэ “Боотур” этэрээт хамандыыра Москваҕа уонна чугастааҕы куораттар госпиталларыгар эмтэнэ сытар байыастарга сырытта, көрүстэ. Бу кэнниттэн Санкт-Петербурга уонна Ленинградскай уобаласка баар уолаттары көрсүөҕэ.
Санатар буоллахха, Кэлим сүрүннүүр киин Ил Дархан быһаарыытынан Саха сирин Бастайааннай бэрэстэбиитэлистибэтин базатыгар тэриллибитэ биир ый буолла. Сүрүн үлэлэрэ – байыаннай сулууспалаахтарга көмөлөһөргө былаас уорганнарын кытары үлэни сүрүннээһин, Оборуона министиэристибэтин кытары бииргэ үлэлэһии, о.д.а. буолар.
«Черскэй бөһүөлэгин баһылыгын дуоһунаһыгар анал байыаннай дьайыыга кыттыбыт икки дьоһуннаах хандьыдаат туруоруммуттара. Быыбар кыайыылааҕынан Петр…
Саха сиригэр «яконтракт14.рф» саҥа саайт нөҥүө хантараагынан байыаннай сулууспаҕа барааччылар сайаапка хаалларыахтарын сөп. Российскай Федерация…
Саха Өрөспүүбүлүкэтин Ил Дархана Айсен Николаев «Быһа лииньийэтигэр» ыытыллыбыт сылларыгар олохтоохтортон 10 тыһыынчаттан тахса ыйытыы…
Сайын устата кыстыкка бэлэмнэнии араас хайысхалаахтык ыытыллан, оттук сезона саҕаланна. Биллэн турар, барыта эриэ-дэхси буолбатах…
Мэҥэ Хаҥалас улууһун Судаарыстыбаннай автоинспекциятын отделениета иһитиннэрбитинэн, бэҕэһээ, балаҕан ыйын 18 күнүгэр 9 чаас 30…
Бүгүн, балаҕан ыйын 19 күнүгэр, Ньурба оройуонугар икки эр киһи суорума суолланна диэн СӨ Быыһыыр…