Александр Колесов ХИФУ устудьуоннарын кытта көрүстэ

Арассыыйа Дьоруойа, А.Е.Кулаковскай аатынан норуоттар доҕордоһууларын дьиэтин генеральнай дириэктэрин бастакы солбуйааччы Александр Колесов ХИФУ естественнэй наукаларга институтун  1-3 кууруһун ыстаарысталарын кытары көрүстэ.

Бу туһунан норуоттар доҕордоһууларын дьиэтин прессе-сулууспата иһитиннэрэр. Александр Гаврильевич байыаннай сорудаҕы толорбут, 50  байыаһы быыһаабыт. Устудьуоннар кини кэпсиирин болҕойон иһиттилэр, ыйытыылары биэрдилэр.

Сэһэргэһии түмүгэр Колесов эдэр ыччакка чугас дьонноругар харыстабыллаахтык сыһыаннаһалларыгар, күүс-уох өртүнэн куруутун бэлэм, дьоһун дьон буолалларыгар баҕарда.