Александр Колесов ХИФУ устудьуоннарын кытта көрүстэ

А.Е.Кулаковскай аатынан норуоттар доҕордоһууларын дьиэтин генеральнай дириэктэрин солбуйааччы, «Боотур» доброволецтар этэрээттэрин хамандыыра Александр Колесов ХИФУ финансовай-экэнэмиичэскэй институт  1-3 кууруһугар үөрэнэр устудьуоннары уонна преподавателлэри кытта көрүстэ. Бу туһунан норуоттар доҕордоһууларын дьиэтин пресс-сулууспата иһитиннэрэр.

Александр Гаврильевич байыас ыарахаттары туоруур күүстээх санаалаах уонна күүс-уох өртүнэн бэлэм буолуохтааҕын кэпсээтэ. Устудьуоннар Украина олохтоохторо Арассыыйа саллаатарыгар сыһыаннарын, байыаннай дьайыы кыттыылаахтарыгар психологическай көмөнү оҥоруу туһунан, о.д.а. ыйытыылары биэрдилэр. Кэпсэтии түмүгэр, устудьуоннар Колесовка махтаннылар.

«Биһиги аттыбытыгар дьиҥ дьоруойдар баалларын көрдүбүт. Александр Гаврильевич Колесов чиэстээхтик сулууспалаабыт», — диэн этэр ФЭИ дириэктэрэ Анна Набережная.