Александр Колесов: «Кыттааччыларга кыайыыны баҕарабын!»

Бүгүҥҥүттэн Сэбиэскэй Сойуус Дьоруойа Федор Матвеевич Охлопков кэриэһигэр ыытыллар ыраахтан ытыыга икки күннээх турнир саҕаланна.

Бу туһунан «Воин» байыаннай-спортинай бэлэмнэнии уонна ыччаты патриоттуу иитии киинин эрэгийиэннээҕи филиалларын салайааччыта, Арассыыйа Дьоруойа Александр Колесов санаатын үллэстэр:

— Олунньуга буолан ааспыт күрэхтэһии кэннэ бу иккис турнир буолар. Бу сырыыга кыттааччы икки төгүл элбэх. Арассыыйа араас эрэгийиэннэриттэн ытыынан дьарыктанар дьон, байыаннайдар уонна силовой структуралартан кэлэн кытта сылдьаллар. Тэрээһин үрдүк таһымнаах диэн ыалдьыттар махтаннылар. Кыттааччыларга кыайыыны баҕарабын, ким кыахтаах, кыраҕы харахтаах инники күөҥҥэ тахсарыгар баҕарабын!