Хаартыскаҕа Мария Васильева түһэриитэ (СИА)
Бэҕэһээ дойду бэрэсидьиэнэ Владимир Путин Украинаҕа байыаннай эпэрээссийэ кыттыылаахтарыгар судаарыстыбаннай наҕараадалары туттарда. Кинилэр кэккэлэригэр икки саха уола – Филипп Евсеев (Сунтаар) уонна Алексей Неустроев (Уус Алдан) үрдүк наҕарааданы иилинэр чиэстэннилэр.
Александр Колесов, РФ Дьоруойа бэйэтин санаатын үллэстэр:
— Бүгүн сарсыарда олус үөрүүлээх сонуну иһиттибит. Биһиги икки биир дойдулаахтарбыт — Филипп Евсеев уонна Алексей Неустроев дойду саамай үрдүкү наҕараадатын – Арассыыйа Дьоруойун сулуһун Арассыыйа бэрэсидьиэниттэн Владимир Путинтан туттулар. Бу олус улахан сабыытыйа буолар. Тоҕо диэтэххэ, оруобуна 80 сыл анараа өттүгэр биһиги улуу эһээлэрбит, хос эһээлэрбит Курскайдааҕы кыргыһыыга кыайбыттара. «Алеша» тааҥка экипаһа дойдубут олохтоохторо хорсун быһыыларын сүтэрбэккэ көлүөнэттэн көлүөнэҕэ тиэрдэ туралларын көрдөрөр. Ону таһынан, Арассыыйа аармыйата күүстээҕин уонна дойду бары эрэгийиэниттэн сылдьар саллааттар байыаннай эпэрээссийэҕэ биир тэҥник сылдьалларын кэрэһэлиир.
Итиэннэ Ил Дархан Айсен Николаевка махтаныахпын баҕарабын. Кыра булкуур тахсан, биһиги биир эрэ уолбут испииһэккэ киирэ сыспыта. Ону барытын Ил Дархан быһаарсан, уолаттарбыт наҕараадаларын туттулар. Кинилэр хорсун быһыылара Саха сирин ыччатыгар үтүө холобур буолуохтара диэн эрэнэбин.
Саха сирэ 2025 сыл түмүгүнэн Оҕо уонна ыччат «Бастакылар хамсааһыннара» Бүтүн Арассыыйатааҕы уопсастыбаннай-судаарыстыбаннай хамсааһыны сайыннарыыга…
Арассыыйа бэрэсидьиэнэ Владимир Путин ахсынньы 19 күнүгэр, бээтинсэҕэ, пресс-кэмпириэнсийэни кытта быһа эпиири ыытыаҕа. Судаарыстыба баһылыга…
Арассыыйаҕа кутталлаах ыарыыта суоҕун туһунан ыспыраапканы сымыйанан оҥоруу иһин холуобунай эппиэтинэһи киллэриэхтэрин сөп. Бу туһунан…
“Кыһыҥҥы сынньалаҥҥа оҕолор хас күн өрүүллэр?” – диэн төрөппүттэр ыйытыыларыгар РФ Үөрэҕириитин министиэристибэтэ бу курдук…
Арассыыйа бааннарын үгүс өттө, Киин Баан сүрүн ыстаапкатын боппуруоһугар кэлэр мунньаҕар диэри, ипотека ыстаапкатын намтатыыны…
Зеленскэй Донбасстан сэриитин таһаарарын утарар. Ол эрэн АХШ Украина куттала суох буолуутун мэктиэлиирин туруорсар. НАТО-ҕа…