“Боотур” этэрээт хамандыыра Александр Колесов Санкт-Петербург байыаннай госпиталларыгар эмтэнэ сытар байыастарга сырытта.
Александр Колесов этэрээт былааҕын, “нашивкаларын” туттарда, доруобуйаны чөлүгэр түһэрии, эмтэнии уонна Саха сиригэр тиийэн үлэни булуу былаанын кэпсэттэ, усулуобуйаларын билистэ. Ону тэҥэ, бу көрсүһүүлэргэ Саха сирин Бастайааннай бэрэстэбиитэлистибэтин, Кэлим сүрүннүүр киин үлэһиттэрэ, анал дьайыы кыттыылаахтарын дьиэ кэргэннэрин өйүүр киини салайааччы Туйаара Колесова сылдьыстылар.
— Уолаттар санаалара бөҕөх, биир дойдулаахтарын өйөбүллэрин билэллэр-көрөллөр, махтаналлар. Кинилэргэ байыастар эҕэрдэлэрин, этэрээппит бэлиэлэрин туттардым. Үс ый көрсүбэтэх буолан, үөрүү-көтүү үгүс. Усулуобуйалара үчүгэй, миэдиктэр болҕомтолоохтук, кыһаллан көрөллөр-истэллэр, эмтииллэр. Онон эмтэнэллэригэр туох наадалаах барыта баар, — диэн Александр Колесов эттэ.
— Мин бүгүн олус үөрэн уһугуннум, күүспэр күүс эбиллибит курдук буолла. Аймахтарым кэлэ сылдьыбыттара, биир дойдулаахтарбыт-волонтердар көмөлөһөллөр. Биһиги уолаттарбытыгар бүтүн өрөспүүбүлүкэ көмөлөһөр. Онон өрөспүүбүлүкэ салалтатыгар, Ил Дархаҥҥа махтанабыт, — диэн байыастартан биирдэстэрэ эттэ.
Кэлим сүрүннүүр киин көрсүһүүлэри тэрийэр, байыаннай сулууспалаахтарга уонна кинилэр дьиэ кэргэттэригэр докумуоннарыгар, өрөспүүбүлүкэтээҕи төлөбүрдэри ылалларыгар көмөлөһөр.
Саҥа дьылга Соҕуруу федеральнай уонна Хотугу Кавказтааҕы уокуруктартан ураты Арассыыйа Европатааҕы чааһын үгүс сиригэр хаардыыр.…
Бу түбэлтэни Александр Аргунов аҕабыыт 1913 с. “Якутские Епархиальные Ведомости” сурунаал 17-с нүөмэригэр бэчээттэппит. 1908…
Тохсунньу 1 күнүттэн киин куоракка оптуобус төлөбүрэ 58 солкуобайга диэри үрдүүрүн туһунан киин куорат баһылыга…
1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…