Хаартыска Ил Түмэн пресс-сулууспатыттан
Ил Түмэн тутууга, олох-дьаһах коммунальнай хаһаайыстыбатыгар уонна энэргиэтикэҕэ сис кэмитиэтин бэрэссэдээтэлэ Александр Корякин Ил Дархан Айсен Николаев быйылгы Анал этиитигэр өрөспүүбүлүкэ нэһилиэнньэтин олоҕун хаачыстыбатын үрдэтии уонна уйгутун тупсарыы биир сүрүн суолталаах хайысха буоларын ыйда диэн эттэ:
— Ил Дархан Айсен Николаев Саха сирин сайдыытын тирээн турар соруктарын эрэ буолбакка, биһиги иннибитигэр туруоруллубут соруктары ситиһиилээхтик толорбуппут: бөдөҥ бырамыысыланнай бырайыактары олоххо киллэрии, саҥа эбийиэктэри тутуу, территорияны кэлимник сайыннарыы уонна хаарбах дьиэлэри суох оҥоруу бырагырааматын көмөтүнэн олорор дьиэни тутууну улаатыннарыы туһунан этилиннэ. Хас биирдии кэриэтэ муниципальнай оройуоҥҥа уопсастыбаннай миэстэлэри тупсарыыга бырайыактар оҥоһулланнар олоххо киирдилэр. Биһиги бүгүн элбэх боппуруоска, холобур, тутууга, тырааныспар сырыытыгар, олох-дьаһах коммунальнай хаһаайыстыбаҕа табыгастаах эйгэни тэрийиигэ тиһиктээх үлэ барарын көрөбүт.
Айсен Николаев Анал этиитигэр тыа сиригэр каадыр тиийбэт кыһалҕата сытыытык турар диэтэ. Мин эмиэ хаста да бэлиэтээбиппинэн, муниципальнай оройуоннарга кыһалҕалаах боппуруостартан биирдэстэринэн, ордук Арктика уонна хоту оройуоннарга каадыр тиийбэтэ буолар. Итиннэ сүрүн усулуобуйанан эдэр исписэлиистэри дьиэнэн-уотунан хааччыйыы буолар, онон социальнай эбийиэктэри тутууну сэргэ кинилэргэ анаан толору хааччыллыылаах дьиэни тутуохха наада.
Ил Дархан эппитинэн, быйыл 3 млрд солк. кэриҥэ куораттары уонна сэлиэнньэлэри тупсарыыга ыытыллыбыт. 2023 сылга 34 муниципальнай тэриллиигэ 93 эбийиэк тупсарыллыбыт – бу пааркалар, болуоссаттар уонна сынньалаҥ зоналара, сатыы дьон сылдьар сирдэрэ, бу «Уһук Илиҥҥэ 1000 тиэргэн» бырайыак чэрчитинэн тиэргэннэри тупсарыы. Мин өрөспүүбүлүкэ оройуоннарыгар сылдьан, тупсарыы үлэтигэр хайдах курдук турунан, ис дууһаларыттан көхтөөхтүк кытталларын, төрөөбүт дойдуларыгар истиҥ тапталынан айыллыбыт саҥа уопсастыбаннай эйгэ аһылылытыгар үөрэллэрин-көтөллөрүн көрөбүн.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…