А. Михайлов хаартыскаҕа уҥаттан бастакы турар. Хаартыска Нам улууһун дьаһалтатын пресс-сулууспатын тиксэриитэ
Дойду тэбэр сүрэҕэр Москваҕа ыытыллыбыт “Клинок – традиции и современность” диэн үгэскэ кубулуйбут норуоттар икки ардыларынааҕы быыстапкаҕа Нам улууһуттан тимир ууһа Александр Михайлов ситиһиилээхтик кытынна.
Бу туһунан Нам улууһун дьаһалтатын пресс-сулууспата иһитиннэрэр.
Александр Анатольевич Москва куораттан төлөпүөнүнэн сибээскэ тахсан уустар күрэстэригэр ситиһиилээхтик кыттыбытын иһитиннэрдэ.
“Саха сириттэн “Мин Биисинэһим» тэрилтэ уонна Саха сирин Уустарын сойуустарын өйөбүллэринэн 9 тимир ууһа буолан кытынныбыт. Быыстапкаҕа аҕалбыт быһахтарбытын хайдах-туох оҥорбуппутун, тугу туһаммыппытын, туохха аналлааҕын, ойуутугар-бичигэр, кыыныгар тиийэ сиһилии кэпсээтибит, сытыылаан көрдөрдүбүт. Бастыҥнары талыы күрэхтэһиитэ хас да хайысханан ыытылынна. Мин «Национальный нож” диэн номинацияҕа «Авторский нож» диэн категорияҕа иккис миэстэ буоллум. Бу быыстапкаҕа иккис кыттыым. Бастаан Нам улууһун тимир уустарын салайааччыта, норуот маастара Михаил Баишевы (1 Хомустаах) кытары кэлэн ситиһиилээхтик кыттыбыппыт. Быыстапка кэнниттэн Москва куорат уонна аттынааҕы нэһилиэнньэлээх пууннарга (Подмосковье) олорор тимир уустарын ыҥырыыларынан тиийэн үлэлиир мастарыскыайдарын көрдүбүт, үлэлэрин билистибит”, — диэн Александр Михайлов кэпсээтэ.
Маннык тэрээһиннэргэ сылдьан киһи сайдар, атын маастардар үлэлэрин көрөн үөрэнэр, элбэх киһини кытта билсэр диэн Александр Анатольевич эбэн эттэ.
Дьокуускай куорат ДСК оройуонун олохтоохторо оптуобус маршруттара уларыйбытыттан айманаллар. Айманаллара да оруннаах. Олохсуйбут маршруттар кыстыгы…
Билигин кыбартыыраҕа, массыынаҕа, сир учаастагар түһээн төлөбүрэ кэлбитинэн, түөкүттэр саҥа схеманы толкуйдаабыттар. “Госуслугаҕа” тус кэбиниэккэр…
Бүгүн, сэтинньи 14 күнүгэр, “Саха сирин 100 бастыҥ табаара” куонкурус кыайыылаахтарын наҕараадалаатылар. Бу тэрээһин олохтоох…
Таҥас кэллэ да ким иллэҥнээҕинэн муста түһээт, тикпитинэн бараллар. [gallery ids="167582,167583,167584,167585,167586,167587,167588,167590,167591"] Байыаннай дьайыыга сылдьар буойуннарга…
ТХНЧИ научнай үлэһитэ, биология наукатын кандидата Терентий Платонов: “Убаһа этигэр киһиэхэ сыстар паразит суох буоллаҕына,…
Анемодист Софронов-Алампа төрөөбүт күнүгэр "Алампа'' бириэмийэни туттарыы сиэрэ-туома алтыс төгүлүн ыытылынна. Дьоро киэһэ Саха тыйаатырын…