Хаартыска: РФ Бырабыыталыстыбатын пресс-сулууспата
Арассыыйа бырабыыталыстыбатын бэрэссэдээтэлин солбуйааччы Александр Новак Уһук Илин уотун тиһигин кэскиллээх сайдыытыгар аналлаах мунньаҕы ыытта.
Тэрээһиҥҥэ Энергетика, Экэниэмикэ сайдыытын министиэристибэлэрин, “Системный оператор” АУо, “НП “Совет рынка” ассоциация, “Россети” ПАУо бэрэстэбиитэллэрэ кытыннылар. Мунньахха Уһук Илин федеральнай уокурукка, чуолаан Саха Өрөспүүбүлүкэтигэр, Приморье уонна Хабаровскай кыраайдарга, уоту туһаныыга наадыйыы боппуруостарын көрдүлэр. 2031 сылга наадыйыы уопсай кээмэйэ 700 МВт тэҥнэһэр (сылга кВт энергияҕа 4,5 миллиард). Уот ситимигэр наадыйыыны сабарга баар ыстаансыйалары модернизациялыырга этиилэр киирдилэр. Саха Өрөспүүбүлүкэтигэр ГРЭС, Приморье кыраайыгар Артемовскай уонна “Восточнай” ТЭЦ-тэр, ону сэргэ Саха Өрөспүүбүлүкэтигэр саҥа генерирующай эбийиэктэри тутуу боппуруостара көрүлүннүлэр. Бэлиэҕэ ылыллыбыт дьаһаллары олоххо киллэрии Уһук Илин федеральнай уокуругун уотунан туруктаахтык хааччыйарга, эрэгийиэннэр социальнай-экэнэмиичэскэй сайдыыларын өйүүргэ, саҥа инвестициялары тардар уонна инфраструктураны сайыннарар туһугар өр кэмнээх уонна туруктаах усулуобуйаны тэрийэргэ көмөлөһүөҕэ. Судаарыстыбаннай сэбиэт Айсен Николаев бэрэссэдээтэллээх “Энергетика” хамыыһыйата Уһук Илин энергетикатын сайыннарыы боппуруостарыгар, чуолаан саҥа генерирующай кыамталары тутууга, үбүлээһин көдьүүстээх источниктарын булууга уо.д.а. ураты болҕомтотун уурар.
СӨ Ил Дарханын уонна бырабыыталыстыбатын пресс-сулууспата
Ханнык баҕарар омук бу сиргэ сиик курдук симэлийэн хаалбатын туһугар, хараҕын харатын кэриэтэ харыстыахтаах сүрүн…
Байыаннай дьайыы ыытыллар сиригэр Саха сирин тирэх пуунун үлэһиттэрэ биир нэдиэлэ иһигэр өрөспүүбүлүкэттэн сылдьар байыаннай…
Сарсын, олунньу 13 күнүгэр, байыаннай дьайыы сиригэр Саха сириттэн үс тиэхиньикэни ыытыы былааннанар. Бу туһунан…
Быйыл ''Чолбон'' литература сурунаала төрүттэммитэ 100 сылын туолар. Бэлиэ түгэни көрсө элбэх тэрээһиннэр былааннаналлар. Олунньу…
Кэнники кэмҥэ күн аайы кэриэтэ баһаардар тахсар буоллулар. Киһи өлүүлээх баһаардар тахсаллара олус хомолтолоох. Онон…
2027 сылга Ньурбаҕа СӨ норуоттарын IX спортивнай оонньуулара алта нэһилиэгинэн ыытыллыахтара. Ол курдук Ньурба куоракка, …