Александр Подголов: «Владимир Путин Саха сирэ байыаннай дьайыыны өйүүргэ ыытар үлэтин хайҕаата»

«Өрөспүүбүлүкэ уонна Саха сирин бары олохтоохторо байыаннай дьайыыны өйүүргэ ыытар үлэлэрин Бэрэсидьиэн үрдүктүк сыаналаабытын истэргэ олус үчүгэй. «Патриотическай» ТОР резиденнэрэ фроҥҥа анаммыт бородууксуйанан хааччыйааччыларынан буолаллар, ЕКЦ нөҥүө биир дойдулаахтарбытын хааччыйар ситим уонна волонтердар көхтөөх кыттыылара— Саха сиригэр бу үлэ тэрээһин өттүнэн үрдүк таһымнааҕын бэлиэтиир», — диэн СӨ парламенын вице-спикерэ Александр Подголов эттэ.

Парламентарий «Патриотическай» ТОР , «Боотур» этэрээт икки сыла уонна Саха Өрөспүүбүлүкэтин Ил Дархана көҕүлээбит БПЛА Арктикатааҕы этэрээтэ — бу Саха сирин уопсай кыайыыга киллэрэр кылаата.

«Саха сирэ байыаннай дьайыыга байыастары өйүүр үлэни ыытар. Бу саҕаланыаҕыттан Биир кэлим сүрүннүүр киин үлэлиир. Онон дойду саҥа эрэгийиэннэригэр наадалаах таһаҕас тиэрдиллэр.
«Арассыыйа Бэрэсидьиэнэ Саха сирэ шефтэһэр Кировскай уонна Докучаевскай куораттарга көмөтүн бэлиэтээтэ, дьоҥҥо көмөлөрүн иһин махтанна», — диэтэ Подголов.

Арассыыйа Бэрэсидьиэнигэр Владимир Путиҥҥа Саха сирин уонна Уһук Илин атын эрэгийиэннэрин оҥорон таһаарааччыларын бородууксуйаларын көрдөрдүлэр.

Ил Түмэн пресс-сулууспатын матырыйаалыттан