Александр Попов: «Нэһилиэктэргэ араас электроннай бырайыактары оҥорууга көмөлөһөбүт»

Бүгүн Саха тыйаатыра  «Сыыппара алмааһа» диэн федеральнай таһымнаах пуорумҥа кэлбит сыыппара технологиятын эйгэтин араас таһымнаах исписэлиистэринэн туолла. 

Ол да иһин бу тэрээһини Саха Өрөспүүбүлүкэтин Бырабыыталыстыбатын Бэрэссэдээтэлэ Кирилл Бычков «сыыппара уопсастыбаннаһын сийиэһэ, инники күөҥҥэ сылдьар сыыппара оҥорон таһаарааччыларын улахан түһүлгэтэ» диэн ааттаата. Кырдьык, сыыппара аныгы сайдыылаах технологията биһиги күннээҕи олохпут аргыһынан буолла. Хас хардыы аайы — сыыппара тиэхиньикэ, оҥоһуу өй, сонун толкуй. Пуорумҥа бэрт элбэх быыстапка ортотугар биир эдэр киһи киниэхэ чугаһаабыт дьоҥҥо бэрт интэриэһинэйдик кэпсиирин истэн, тиийдим. Билистибит. Мэҥэ Хаҥалас улууһун Майатыттан төрүттээх Александр Попов диэн эбит.

Владивостоктааҕы УҺук Илиҥҥи федеральнай университет выпускнига Александр Попов, саамай кэрэхсэбиллээҕэ, ханнык баҕарар улуус нэһилиэгэр кини үлэлиир «Айтек Инфо тэрилтэтэ көмөлөһүөн сөбүн кэпсээтэ. Бу туһунан «Саха сирэ» сайт телеграм-ханаалыгар киирэн билсиҥ.