Александр Степанов: “Көмө үлэтин салгыыбыт”

Ньурба улууһун Малдьаҕар нэhилиэгиттэн байыаннай дьайыы саҕаланыаҕыттан ыла биир дойдулаах икки киһилэрэ байыаннай хомуурга ыҥырыллан, ытык иэстэрин толоро, этэҥҥэ сылдьаллар. Маны таhынан бу нэhилиэктэн төрүттээх 9 уол Сахабыт сирин араас улуустарыттан ыҥырыллан, байыаннай эпэрээссийэҕэ кытталларын туһунан нэһилиэк баһылыга Александр Степанов кэпсээтэ.

— Байыаннай дьайыы саҕаланыаҕыттан сэриигэ ыҥырыллыбыт уолаттарбытыгар, кинилэр дьиэ кэргэттэригэр кыанарбытынан күүс-көмө буолабыт. Ол курдук, дьиэ кэргэттэригэр көмө быһыытынан быйыл уокка оттор мастарын бэлэмнээн биэрбиппит. Ааспыт күһүн муустарын ону тэҥэ нэһилиэкпит ыччатын кытта үлэҕэ исписэлииhэ Тимофеев Н.Н. кыс устата мастарын хайытан бэлэмнээн кэллэ. Салгыы да бу курдук үлэ барарын былаанныыбыт.
Маны таһынан ааспыт сылга матырыйаалынай көмө анаан-инээн оҥордубут. Уонна нэһилиэк тэрилтэлэрэ бары харчы хомуйан, эпэрээссийэҕэ кытта сылдьааччы уолаттар дьиэ кэргэттэригэр ааспыт сыл бүтүүтэ харчы хомуйан, сэмэй көмөбүтүн биэрдибит. Уонна Кыайыы күнүгэр тыыл бэтэрээннэрин, сэрии оҕолорун сэргэ бу буойуттарбыт дьиэ кэргэттэригэр ас бородууктатын набуорун туттардыбыт. Салгыы маннык хайысхалаах үлэбит утумнаахтык барарын былаанныыбыт.