Александр Тин-Шан Бүтүн Арассыыйатааҕы куонкуруска ситиһиилээхтик кытынна

 «АЛРОСА» хампаанньаҕа үлэлиир  хайа оробуочайа  Александр Тин-Шан Бүтүн Арассыыйатааҕы «Лучший по профессии» күрэх  «Второй старт» анал номинациятын кыайыылааҕынан буолла. Бу туһунан Ил Дархан Айсен Николаев иһитиннэрдэ. 

— Күрэх «Человек труда»  федеральнай бырайыак иитинэн ыытыллар.  Күрэх идэлэрин уларытар, саҥа дьыаланы баһылыан баҕалаах дьоҥҥо  улахан көмөлөөх.   Александр  дьаныардаах үлэ саҥа үрдэллэри дабайарга төһүү күүс буоларын толору дакаастаата. Саха сирэ эдэр, инникигэ сыаллаах-соруктаах ыччаттардааҕынан киэн туттар, — диэн Ил Дархан эбэн эттэ.