Бүгүн Саха сирин Парламенын вице-спикерэ, СӨ Ил Дарханыгар Олоҥхо национальнай тэрийэр кэмитиэтин бэрэссэдээтэлэ Александр Жирков, Тыва Өрөспүүбүлүкэтин Кызыл куоратын култууратын киинигэр Арассыыйа норуоттарын култууратын нэһилиэстибэтин сылын иитинэн, ЮНЕСКО көмүскэлинэн олоххо киирэр “Аан дойду норуоттарын эпоһа” норуоттар икки ардыларынааҕы бырайыак “Хунан-Кара” тувиннар эпостарын сахалыы тылбааһын сүрэхтэниитигэр кытынна.
Үйэлэр тухары эпос норуот олоҕу көрүүтүн сүрүн духуобунай көрүҥүнэн буолар. “Хунан-Кара” тувин норуотун тылынан эпическай айымньытын биир бастыҥ холобурунан ааттанар. Эҕэрдэ тылы Тыва Өрөспүүбүлүкэтин баһылыга Владислав Ховалыг эттэ. Кини бу сүүнэ бырайыагы көҕүлээбит уонна олоххо киллэрбит Александр Жирковка махталын биллэрдэ.
“Тувиннар биир бастыҥ “Хунан Кара” эпостарын бырааттыы норуоппут төрөөбүт тылынан ааҕар кыахтаммытын үрдүктүк сыаналыыбыт. Норуоттар көрүүлэрин, кинилэр майгыларын уонна үгэстэрин ойуулаан көрдөрөр култуура холбоһуктаах өйдөбүлэ бу курдук олохсуйар”, — диэн эттэ. Тыва Өрөспүүбүлүкэтин баһылыга, сахалар “Дьулуруйар Ньургун Боотур” олоҥхолорун тувинныы тылбаастыыр ирдэнэрин иһитиннэрдэ, итиэннэ эпостары хардарыта тылбаастааһын саҥа, баҕар, билим кыттыгас чинчийиилэрин түргэтэтэр, саҥа толкуйдары уонна түмүктэри оҥорор кыаҕынан буоларыгар эрэнэрин биллэрдэ.
Тыва Өрөспүүбүлүкэтин баһылыгын Ыйааҕынан СӨ Судаарыстыбаннай Мунньаҕын (Ил Түмэн) бэрэссэдээтэлин бастакы солбуйааччы Александр Николаевич Жирковка Тыва уонна Саха Өрөспүүбүлүкэлэрэ бииргэ үлэлэһиилэригэр ураты үтүөлэрин иһин “Тыва Өрөспүүбүлүкэтин үтүөлээх үлэһитэ” бочуоттаах ааты иҥэрдилэр. Норуоттар икки ардыларыгар этнокултуурунай сибээс баара мөккүһүллүбэт. Үйэлэр тухары эпос норуот олоҕу көрүүтүн сүрүн духуобунай көрүҥүнэн буолар.
Ил Түмэн пресс-сулууспата.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…