Дойдуга таптал туохтан саҕаланарый?
Аан бастаан боруогу атыллаан тахсаммыт,
Аан дойду кэрэтин кэрэхсии көрөммүт,
Ырыаһыт чыычааҕы ырыатын сэргээммит,
Ытыһы күн уотун сыламар уунаммыт,
Оҕо саас кэмнэммэт дьолунан күлбүттэн?
Эбэтэр, ийэбит илгэ үүтүн иһэн,
Аҕабыт саргылаах алгыһын иҥэрэн,
Үс куппут биир тэҥник бөҕөргүү сандааран,
Абылыы, эҥээркэй сахалыы саҥаран,
Төрүт тыл сүмэтин иҥэрбит күнүттэн?
Өбүгэ барахсан олорбут олоҕун,
Өрдөөҕү кэмнэртэн үтүөкэн үгэһин,
Өлбөөрбөт күлүгүн өрүүтүн сырдатан,
Өйөбүл, өйдөбүл буоларын сыаналаан,
Үйэлэр тухары билинэ сылдьартан?
Сир-халлаан биллибэт эйгэтин бичийэн,
Киҥкиниир киэҥ куйаар суһумар сууланан,
Айылҕа манньытар маанытын ылынан,
Арчылыы харыстыыр аанньалга махтанан,
Бар дьоннуун силбэһэн биир тыыҥҥа киирэртэн?
Олоҥхо дойдутун оһуорун, ойуутун,
Номоххо, сэһэҥҥэ хаалларбыт тойугун,
Дорҕооно дуорайа ырааппыт ойдуотун,
Оһуокай күн эргиир үҥкүүтүн уруйун,
Тэтимэр олорсор күн өркөн дьонуттан?
Нам сэлиэнньэтин Уопсастыбанньыктар дьиэлэригэр бойобуой дьайыылар бэтэрээннэрин икки ардыларыгар корнхолга бастакы турнир ыытылынна. «Тохсунньу томороон…
Тымныы күн-дьыл турбутунан, Горнай, Нам, Хаҥалас уонна Чурапчы улуустарыгар муниципалитеттар икки ардыларынааҕы оптуобус сырыыта быстах…
«Буратино» киинэ уопсай хомуура 1,5 млрд солкуобайы куоһарда. Бу Киинэ пуондатын Биир кэлим автоматизированнай информационнай…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы Ангелина Васильева-Дайыына "Тайах оҕото"…
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…