Мария Васильева хаартыскаҕа түһэриилэрэ
Бүгүн, балаҕан ыйын 19 күнүгэр, ХИФУ «Сэргэлээх уоттара» култуура киинигэр Александра Франк «Где проходит граница» диэн киинэтин көрдөрдүлэр.
Киинэ саҕаланыан иннинэ Александра Франк тоҕо бу киинэни устубутун туһунан кылгастык кэпсээтэ. Суруналыыс, режиссер идэтэ суох эрээри сүрэҕин баҕатынан байыаннай дьайыы хонуутугар туох буола турарын илэ хараҕынан көрөн киинэ устарга быһаарыныыта киһини сөхтөрөр.
Киинэни харах уута суох киһи кыайан көрбөт. Дьиҥ буола турар быһыы-майгы, сэрии ортотугар тыыннаах хаалбыт оҕолор санааларын үллэстиилэрэ ордук уйадытар. Киинэ балтараа чаас кэриҥэ көһүннэ. Ол кэннэ саалаҕа мустубут ХИФУ араас үөрэҕин кыһаларын устудьуоннара Александра Франкы кытта атах тэпсэн олорон санааларын үллэһиннилэр.
Киинэни устуу уустугун, тус көрүүтүн туһунан Александра Франк санаатын үллэһиннэ:
— Мин аан бастаан байыаннай дьайыы буола турар сиригэр ыам ыйыгар тиийбитим. Илэ харахпынан урусхалламмыт куораттары, бадыбаал анныгар саспыт куорат эйэлээх олохтоохторун көрөн баран олус уолуйбутум, долгуйбутум. Бу харахпынан көрбүтүм ис турукпун, санаабын барытын уларыппыта. Хайаатар даҕаны бар дьону кытта бу санаабын үллэстэргэ санаммытым. Ол иһин уус-уран аҥаардаах, дьиҥ чахчыга олоҕурбут киинэ устарга быһаарыммытым.Киинэбит уһуллан бүтэн баран арай прокатка тахсан 65 эрэгийиэҥҥэ тиийэ тарҕаммыта. Дьон сибээскэ тахсан миигин дойдуларыгар кэпсэтиигэ ыҥыран барбыттарыгар соһуйбутум. Ол аата дьон сүрэҕин кылын таарыйар эбит диэн санаа кэлбитэ.
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …