Александра Капитонова: «Эр Уолан Эн…»

“Саха сирэ” хаһыат (sakha-sire.ru) хорсун-хоодуот буойуттарбытыгар анаан, дойдуга бэриниилээх буолууга иитэр соруктаах хоһоон куонкуруһун биллэрбитэ.

Куонкуруспут сэттис кыттааччыта Горнайтан Александра Капитонова (Һуракаай):

Эр Уолан Эн…

Уол оҕо буолан
Күн сиригэр түһэргэр,
Үрдүк Айыылар
Эйиэхэ эрэ анаан
Аартык суолун арыйдахтара…
«Ханнык да кэмҥэ,
Күһэҥэ быстар
Ыар түгэнигэр,
Инники кэккэҕэ туран
Дьоҥҥун-сэргэҕин
Харыстаа, көмүскээ!»
Диэн алҕаатахтара
Уолан Эр Эн !
Түһэн биэримэ бэйэҕин,
Тутус өбүгэҥ үгэһин,
Иһит сүрэҕиҥ этэрин.
Чугуйума өстөөхтөн.
Улуу буойун эһэлэргин
Эн утумнаа!
Саха буоларгынан
Киэн тутун!
Эн Эр Уолан!