Хаартыскаҕа ааптар түһэриитэ
Саха сириттэн байыаннай дьайыыга кытта сылдьар байыастарга таҥас тигиитинэн дьарыктанар волонтер иистэнньэҥнэр хамаанданан күрэхтэһиилэрэ түмүктэннэ.
Бу үс күннээх иистэнньэҥнэр күрэстэригэр уонча хамаанда кытынна.
Булуҥ улууһун хамаандатын хапытаана Александра Стручкова күрэс туһунан санаатын үллэһиннэ:
— Биһиги «Yлэ-иис күрэҕэр» Дьокуускай куоракка олорор Булуҥтан төрүттээхтэр кытынныбыт. Уопсайа алта буолан иистэннибит. Бу биэс кыыс Булуҥ Күһүүрүттэн төрүттээхпит, урут дойдубутугар ательеҕа үлэлээбиппит. Биир кыыс Дьааҥыттан уоппускатыгар кэлэ сылдьарын кытыннардыбыт. Иистэнньэҥ идэлээх буоламмыт, улаханнык ыарырҕаппатыбыт, күрэхтэһии иннинэ үс күн маннык таҥаһы хайдах тигэргэ үөрэммиппит. Бу кыргыттар миигиттэн ураты туспа үлэлээхтэр, ол эрээри волонтердар күрэстэригэр кытталларын иһин сүрүн үлэлэриттэн көҥүллээбиттэрэ. Тэрилтэлэр салайааччылара маннык өйдөөн көҥүллүүллэрэ хайҕаллаах. Биһиги бу үс күн устата байыаннай дьайыыга сылдьар уолаттарга кэмпилиэк таҥастары тиктибит. Бары биир санаанан тыылга кыайыыны уһанса сылдьарбыт биһигини кынаттыыр.
Тохсунньу 9 күнүгэр Уус Алдан улууһугар Мүрүгэ "Түһүлгэ" киин балаҕан-дьиэтигэр Саха Өрөспүүбүлүкэтин Суруйааччыларын сойууһун чилиэнэ,…
Доруобай буолуу төрдө. Тыыныынан эмтэнии биир саамай былыргы ньымата -- хатха-йога. Биһиги кэммитигэр биир сиргэ…
Күн-дьыл билгэтин төһө билэҕитий? Бу туһунан И.М.Сосин "Күн-дьыл билгэтэ" кинигэтигэр сиһилии суруллар. Тымныы кыһын буоларыгар:…
Дьааҥы улууһун Арыылаах орто оскуолатын саха тылын, литэрэтиирэтин учуутала, РФ уопсай үөрэхтээһинин туйгуна Петр Слепцов…
Ахсынньыга Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааспыта. Төрүт сахалыы эйгэни…
Сахалар билгэлэрэ Сахалар итэҕэллэринэн киэһэ таһырдьа улаханнык саҥарыа, айдаарыа суохтааххын, сир иччитин кыыһырдыаххын сөп. Түүн…