Александра Турантаева: «Саха сирэ — дьоруойдар дойдулара» бырагыраама туһунан

СӨ Ил Дархан иһинэн үлэлиир Инновационнай менеджмент үрдүкү оскуолатын үлэһитэ Александра Турантаева «Саха сирэ — дьоруойдар дойдулара» каадыр бырагырааматыгар кыттааччылары сүүмэрдээһин хайдах барбытын туһунан кэпсээтэ. 

—Каадыр бырагырааматын эспиэрдэрэ — анал үөрэҕи ааспыт профессиональнай психологтар. Биллэн турар, долгуйар кыттааччылар бааллара. Ол гынан баран, биһиги кыттааччы аһыллан кэпсиирин курдук эйгэни тэрийэ сатаатыбыт. Мин кыттааччылар бары баҕалаахтарын уонна өйдөөн туран манна кэлбиттэрин бэлиэтээтим, — диир кини.

РФ Бэрэсидьиэнэ В.Путин көҕүлээбит «Дьоруойдар кэмнэрэ» федеральнай бырагыраама көмөтүнэн, СӨ Ил Дархана Айсен Николаев үлэҕэ киллэрбит эрэгийиэннээҕи бырагырааматынан, байыаннай дьайыы кыттыылаахтара профессиональнай үүнүүгэ-сайдыыга кыаҕы ылаллар. Бу көҕүлээһин байыастар үөрэнэллэригэр, дьарыктаах буолалларыгар тирэх буолар уонна кинилэр үөрүйэхтэрин, баһылыыр-көһүлүүр хаачыстыбаларын өрөспүүбүлүкэҕэ туһанарга көмөлөһөр.

Сиһилии: http://якутияземлягероев.рф  манна көрүөххэ сөп.