Александра Золотарева: «Туора туран хаалымаҥ, быыбарга кыттыаҕыҥ»

«СПИД-Киин» кылаабынай бырааһа Александра Григорьевна Золотарева тус бэйэтэ уонна чугас дьоно, биир идэлээхтэрэ дойдуга ыытыллар быыбардарга куруук көхтөөхтүк кытталларын туһунан кэпсиир. Дойдубутугар кулун тутар  15 күнүттэн саҕаланар быыбарга эрдэттэн барар былааннаах.

-Мин санаабар,  биһигиттэн хас биирдиибит дойдубут сайдыытыгар бэйэтин кылаатын киллэрсэр. Ол иһин, биһиги бары гражданскай иэспитин толоруохтаахпыт уонна быыбардыы барыахтаахпыт. Тоҕо диэтэххэ, быыбартан биһиги инники олохпут тутулуктаах.
Мин тус бэйэм уонна чугас дьонум быыбарга көхтөөхтүк кыттабыт. Хас биирдиибититтэн дойдубут кэскилэ тутулуктааҕын билэбит. Туора туран хаалымаҥ, быыбарга кыттыҥ уонна куоластааҥ! -– диэн тус санаатын үллэһиннэ.