Хаартыска: Сахагов.ру
Арассыыйа Уһук Илин уонна Арктика сайдыытыгар миниистирэ Алексей Чекунков билигин Москваҕа буола турар Уһук Илиҥҥи эрэгийиэннэр күннэрин чэрчитинэн, «Россия» национальнай кииҥҥэ аһыллыбыт быыстапканы көрдө. Интерактивнай быыстапка Уһук Илиҥҥэ айаҥҥа, үөрэххэ, үлэҕэ ураты кыахтары билиһиннэрэр. Манна хас да интерактивнай зоналар уонна ускуустуба эбийиэктэрэ киирэллэр.
«Маннык үөрэтэр быыстапка бырайыактарын көмөтүнэн, Уһук Илин киин куораттара Арассыыйа арҕаа өттүн олохтоохторугар кэрэхсэбиллээх буолан, чугаһаан иһэллэр. Биһиги үүнэр көлүөнэбит Уһук Илин кэрэтин уонна дьикти айылҕатын туһунан ис сүрэхтэн санааларын үллэстэллэрэ ордук сыаналаах», — диэтэ миниистир.
Быыстапкаҕа Уһук Илиҥҥи федеральнай уокурук айылҕатын кэрэ көстүүлэрэ уонна култуурунай бэлиэлэрэ, инники идэлэргэ виртуальнай умсугутуу, бырабыыталыстыба өйөбүлүн бырагыраамалара, ханнык баҕарар ыйытыыга хоруйдуурга бэлэм нейроннай ситим консультана, хаартыска зоната, ускуустуба инсталляциялара, күрэстэр киирэллэр.
Патриотическай иитиигэ ураты болҕомто ууруллар. Быыстапкаҕа Уһук Илиҥҥи байыаннай уокурук дьоруойдарын, «Воин» байыаннай-патриотическай үөрэхтээһин кииннэрин үлэлэрин, волонтердар хамсааһыннарын туһунан кэпсэнэр.
«Москваҕа Уһук Илиҥҥи эрэгийиэннэр күннэрэ» быыстапка 2025 сыл сэтинньи 1 күнүттэн 30 күнүгэр диэри бэнидиэнньиктэн ураты (техническэй күн) күн аайы ыалдьыттарга аана аһаҕас.
«Москваҕа Уһук Илиҥҥи эрэгийиэннэр күннэрэ» бырайыак РФ Бэрэсидьиэнин Уһук Илиҥҥи федеральнай уокурукка боломуочуйалаах бэрэстэбиитэлин аппараатын, Арассыыйа Уһук Илини сайыннарыыга министиэристибэтин, Уһук Илин уонна Арктика сайдыытын корпорациятын уонна «Социальнай сайдыы көҕүлээһинин фондатыгар» коммерческайа суох тэрилтэ өйөбүллэринэн олоххо киирдэ.
Сиһилии: https://www.sakha.gov.ru/news/15053
Төрөөбүт тыл уонна сурук-бичик күнүн чэрчитинэн Ил Түмэҥҥэ “СӨ судаарыстыбаннай уонна официальнай тыллара: кыһалҕата, кэскилэ”…
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…