Хаартыска: А.Сорокин (СИА)
Уһук Илини уонна Арктиканы сайыннарыыга РФ миниистирэ, “Уһук Илин сулуһа” бириэмийэ дьүүллүүр сүбэтин чилиэнэ Алексей Чекунков Дьокуускайга “Уһук Илин сулуһа” VII уопсастыбаннай-дьыалабыай бириэмийэ кыайыылаахтарынан уонна лауреаттарынан буолбут Саха сирин хампаанньаларын наҕараадалаата.
“Барыта кыайыы туһугар” номинация кыайыылаахтарынан Саха сирин хампаанньалара, “Патриотическай” ТОР резиденнэрэ – «Якт-Сокол», «Зелёная энергия» «Якутский котловой завод» буоллулар.
«Бастыҥ үлэни биэрээччи” номинацияҕа «Инаглинскай» ГОК АУо хампаанньа («Колмар» УК) кыайда.
“Кыайыылаахтары дьоһуннаах наҕараадаларынан эҕэрдэлиибин. Этэргэ дылы, икки номинацияны сүрэҕим нөҥүө аһардым. “Колмары” өссө 10 сыл анараа өттүттэн өйдүүбүн, өссө бастакы да ГОК суох этэ. Төрүттээччилэр уонна кэлэктиип күүстэринэн, дьулуурдарынан, Саха сирин лиидэрдэриттэн биирдэстэрэ, Соҕуруу Саха сирин драйвера, Нерюнгри куоракка саҥа тыыны биэрбит тэрилтэ баар буолла. “Барыта Кыайыы туһугар” снегоболотоходтар уонна электромотоцикллар төһө наадаларын туһунан байыастар этиилэрин түмүктэринэн таһаардыбыт. Эһиги сыралаах үлэҕит иһин махтал. Биһиги бүгүн эһиги бородууксуйаҕытын илэ харахпытынан көрдүбүт. Кыайыыга диэри уонна ол кэнниттэн өссө да салгыы оҥорон тупсараргытыгар баҕарабын. Эйэлээх олоххо эһиги бородууксуйаҕыт наада буоларыгар эрэллээхпин», — диэтэ Алексей Чекунков.
-“Уһук Илин сулуһа” бириэмийэ – эрэгийиэн сайдарыгар уонна уопсай Кыайыыны чугаһатарга дьиҥнээх дьыаланы оҥорор дьону билинии дьоһуннаах бэлиэтэ. Биһиги итинник хампаанньаларынан уонна үлэһит дьонунан киэн туттабыт. Чуолаан кинилэр аныгы Саха сирин уонна Уһук Илин укулаатын оҥорсоллор. Кинилэр үлэлэрэ – экэниэмикэҕэ эрэ кылаат буолбатах. Дойду күүһүгэр, Кыайыыга эрэл. Маннык дыалаларга төрөөбүт дойдуга таптал дьиҥнээх суолтата арыллар”, — диэтэ Ил Дархан Айсен Николаев.
Киинэ хас биирдиибит дууһатын кылын таарыйар, долгутар уратылаах буолан, сырдык иэйиини уһугуннарар, араас толкуйу үөскэтэр.…
Бу күннэргэ Өймөкөөн улууһугар от ыйынааҕы уонна атырдьах ыйынааҕы халааннартан эмсэҕэлээбит олорор дьиэлэри, социальнай эбийиэктэри, суолу-ииһи,…
Хас да эдэр киһи хамаанда тэринэн, куорат олохтоохторугар уонна ыалдьыттарыгар Дьокуускай куорат устуоруйатын сиһилии кэпсиир…
Пилота суох көтөр аппарааттар, дирижабллар уонна экранопланнар инникитин хотугу таһаҕаһы тиэрдии — ол эбэтэр, Сибиир уонна…
Үөрэх үлэһиттэрин атырдьах ыйынааҕы мунньаҕа, ааспыт сыллары кытта тэҥнээтэххэ, тус бэйэм санаабар, ордук кыһалҕалааҕынан, итиэннэ…
Саха сирин синоптиктара балаҕан ыйын 1 күнүгэр былыттаах, сөҥүүтэ суох күнү-дьылы билгэлииллэр. Күн-дьыл хайдах буолуоҕун…