Ааптар хаартыската
Бүгүн, кулун тутар 29 күнүгэр, Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын II сийиэһин пленарнай мунньаҕар РФ Судаарыстыбаннай Дууматын эрэгийиэннээҕи бэлиитикэтин уонна олохтоох салайыныыга кэмитиэтин бэрэссэдээтэлэ Алексей Диденко кытынна.
«Бүгүҥҥү күнтэн олус астынным, олус истиҥ көрсүһүү, мунньах буолла. Манна дьон туһугар үлэлиир дьокутааттар мустубуттара, интэриэһинэй этиилэрэ, толкуйдара сылаас тыыны биэрдэ. Мин саныахпар, сылаас сыһыан биллэр, өрөспүүбүлүкэҕит саамай ыраах муннугуттан кэлэн сийиэскэ кыттыылара, боппуруостары дьүүллэһиилэрэ, үлэлииргэ интэриэстээхтэрэ, уопсайынан, бэйэ-бэйэни өйдөһүү тыына биллэр. Социальнай, экэниэмикэ, бырамыысыланнас, тырааныспар боппуруостарыгар сыһыаннаах «төгүрүк остуоллар» ыытылыннылар. Мин санаабар, сийиэс тэрийээччилэрин кылаабынай соругунан Саха сирин муниципальнай тэриллиилэр бэрэстэбиитэллээх уорганнарын дьокутааттарын сийиэһигэр өрөспүүбүлүкэ оройуоннарын чугастааҕы уон сылга сайдыытыгар быһаарыылары оҥоруохтаахтар», — диэн бэлиэтээтэ Алексей Диденко.
Бу муниципальнай реформа бара турар кэмигэр, историческай сийиэс буолар, тоҕо диэтэххэ, манна быһаарыллар, кэлэр кэмҥэ хайдах-туох буолара, инники үлэ торума оҥоһуллар диэн эттэ Алексей Диденко суруналыыстары кытары көрсөрүгэр.
«Бу историческай сийиэс үгүс ыйытыыларга хоруйдары биэриэхтээх: олохтоох бэйэни салайыныы салгыы хайдах сайдан иһэрий, былаас гражданнары кытта бииргэ үлэлээһиннэрин, төһө дьокутааты, ханнык нэһилиэктэргэ хаалларары, ханнык кыраныыссаларга былаас хайдах олоххо киирэрин. Ити өрөспүүбүлүкэ оройуоннарын сайдыыта чугастааҕы уон сылга тутулуктаах тутаах түгэннэрэ буолар», — диэтэ Алексей Диденко.
Сийиэс иккис сүрүн соругунан, нэһилиэк баһылыктарын национальнай бырайыактары олоххо киллэрэргэ кытыннарыы буоларын кини эттэ. Ити киэҥ хабааннаах федеральнай көҕүлээһиннэр, ол туһунан, хомойуох иһин, гражданнар мэлдьи билбэттэр. Дьиҥэр, федеральнай киин элбэх, улахан ресурсалары биэрэр, кырата суох үп өрөспүүбүлүкэ уонна муниципальнай таһымҥа көрүллэр.
Онон гражданнар ити боппуруостарга кыттыахтаахтар, санааларын биллэриэхтээхтэр, көннөрүүлэри киллэриэхтээхтэр. Ол территорияны тупсарыы боппуруостара эрэ буолбакка, уопсастыбаннай бэрээдэги араҥаччылааһын, тулалыыр эйгэни тупсарыы уонна экологияны утары охсуһуу боппуруостара эмиэ буолуохтарын сөп диэн РФ Судаарыстыбаннай Дууматын эрэгийиэннээҕи бэлиитикэтин уонна олохтоох салайыныыга кэмитиэтин бэрэссэдээтэлэ Алексей Диденко сийиэс түмүгүнэн санаатын эттэ.
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.