Хаартыска "Сахафильм" хампаанньаттан
Бүгүн Кириэмил улахан дыбарыаһыгар Владимир Путин Арассыыйа Бэрэсидьиэнин солотугар киирэр сирэ-туома буолан ааста. Бу ураты тэрээһиҥҥэ Саха сириттэн элбэх киһи кытынна.
Ол иһигэр Влаимир Путин быыбарыгар итэҕэллээҕэ буолбут, «Сахафильм» дириэктэрэ Алексей Егоров баар. Бэрэсидьиэн Владимир Путин солотугар киирбит бэлиэ түгэнинэн Алексей Егоров санаатын үллэһиннэ:
— Бүгүн Кириэмилгэ Бэрэсидьиэн Владимир Путин солотугар киирэр сиэрэ-туома буолан ааста. РФ Конституциятын 82 ыстатыйатыгар сөп түбэһиннэрэн инаугурацияҕа Владимир Путин Федерация Сэбиэтин чилиэннэрэ, Судаарыстыбаннай Дуума дьокутааттара уонна Конституционнай Суут судьуйалара баалларыгар норуотун иннигэр андаҕар эттэ. Конституционнай Суут бэрэссэдээтэлэ Валерий Зорькин Владимир Путин солотугар киирэрин туһунан эппитин Кириэмилгэ баар дьон долгуйа көрдүбүт-иһиттибит.
Мин Бэрэсидьиэн Владимир Путин итэҕэллээх киһитэ буоларым быһыытынан, Москваҕа Кириэмилгэ инаугурацияҕа ыҥырыллыбытым. Владимир Путин андаҕар тылын эттэ – Арассыыйаны харыстыыр уонна норуотун иннигэр сулууспалыыр мин ытык иэһим диэтэ. Биһиги норуоппут, Саха сирин олохтоохторун биһиги бэһис төгүлүн талбыт бэрэсидьиэммитигэр өссө алта сылга дойдуну ситиһиилээхтик салайыа диэммит эрэнэбит. Кини биһиги инники олохпут дьоллоох-соргулаах буоларын мэктиэлиир.
Дьокуускайга полиция 3 отделын дьуһуурунай чааһыгар эт-хаан эчэйиитин ылбыт Кангаласс олохтооҕо дьахтартан сайабылыанньа киирбит. Ол…
Бүтүн Арассыыйатааҕы байыаннай-тактическай «Путь воина» күрэхтэһии икки полуфиналын түмүгүнэн Саха сирин уонна Тюмень уобалаһын «ВОИН»…
Дьокуускайга 35 саастаах дьахтар үлэлиир тэрилтэтиттэн 2,7 мөлүйүөн солкуобайы уоран, холуобунай дьыала тэрилиннэ. ИДьМ Силиэстийэлиир…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Бүгүн, балаҕан ыйын 18 күнүгэр, Үөһээ Бүлүүгэ үлэ сырыытынан Ил Дархан Айсен Николаев уонна СӨ…
Алтынньы 3-5 күннэригэр Дьокуускайга "Сулус" полигоҥҥа Сэбиэскэй Сойуус Дьоруойа Федор Охлопков аатынан "Бойобуой снайпинг" дьиссипилиинэҕэ…