Бэҕэһээ, олунньу 15 күнүгэр, «МУУС УСТАР-2024» ыччат бэстибээлин иитинэн, «Сахафильм» национальнай киинэ хампаанньатын салайааччы Алексей Егоров өрөспүүбүлүкэҕэ ыччаттар ыстааптарын салайааччыларын кытары көрүстэ.
Алексей Егоров киинэ индустриятыгар өр сыллаах үлэтин үөрүйэҕиттэн үллэһиннэ уонна «Сахафильм» хампаанньа ситиһиитин, кэнники сылларга былаанын билиһиннэрдэ. Өрөспүүбүлүкэҕэ тиһиктээхтик сайдар креативнай индустрияҕа РФ бэрэсидьиэнэ В.Путин өйөбүлүн кэпсээтэ. Кини манна даҕатан, 2027 сылга диэри Дьокуускайга элбэх хайысханы толорор киинэ павильона тутуллара былааннанарын, бу үрдүк хаачыстыбалаах киинэлэр, сэрийээллэр уһуллан, оҥоһуллан тахсалларыгар бигэ тирэҕинэн буолуохтааҕын бэлиэтээтэ. Этиллэринэн, сылга 24 киинэни уонна сэрийээли оҥорон таһаарар кыамталаах буолуохтаах. Комплекска 1500 үлэ миэстэтэ тэриллиэхтээх. Маны сэргэ, кини өрөспүүбүлүкэҕэ национальнай бырайыактарынан социальнай суолталаах эбийиэктэр — аныгы үйэ ирдэбилигэр эппиэттиир балыыһалар, успуорт эбийиэктэрэ, поликлиникалар, оскуолалар, уһуйааннар тутуллалларын этэр.
Көрсүһүү кыттыылаахтара түмүккэ эйэлээх олох, дойдуга куттал суоһаабатын туһугар туруулаһар байыастарга уонна кинилэр дьиэ кэргэттэригэр ыччаттар улахан көмөнү оҥороллорун бэлиэтээтилэр. Кинилэр ортолоругар уопсастыбаннай хамсааһыҥҥа көхтөөхтүк кыттар дьон, волонтердар бааллар. «Саха сирин дьоно-сэргэтэ түмсүүлээхтэринэн, сомоҕолоһуулаахтарынан киэн туттабын», — диэтэ Алексей Егоров.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…