Алексей Еремеев: «Амма ыһыаҕар дьон көхтөөхтүк кытынна» (ВИДЕО)

Амма улууһугар  ыһыллыбыт 17-с Олоҥхо ыһыаҕа үгүс дьон өйүгэр-санаатыгар умнуллубат өйдөбүл буолан хаалара саарбаҕа суох.

Ытык Амма улууһа өбүгэ саҕаттан  үгэс буолан кэлбит уус-уран тылынан байытыллыбыт саха норуотун  култууратын биир сүрүн өрүтэ — олоҥхо уутуйан үөскээбит сиринэн биллэр. Ол курдук, Тимофей Захаров-Чээбий, Михаил Новиков-Мэлэк Мэхээлэ, Матвей Гермогенов-Ырыа Маппый, Устин Нохсоров, Екатерина Иванова, Иван Скрыбыкин-Ньомороон, Яков Шестаков-Ньиэмэс Дьаакып, Никифор Дмитриев, Владимир Новиков-Күннүк Уурастыырап курдук олоҥхоһуттар Кыыс Амманы дорҕоонноохтук ааттаппыттара.

Олоҥхо ыһыаҕа түмүктэнэрэ аҕыйах чаас хаалбытын кэннэ Ил Түмэн  Бэрэссэдээтэлэ Алексей Еремеевы анаан көрсөн  кэпсэтэн, тэрээһин туһунан санаатын ыйыппытым.