Хаартыска: Ил Түмэн пресс-сулууспатыттан
УБААСТАБЫЛЛААХ СУРУНАЛЫЫСТАР УОННА БЭЧЭЭТ ҮЛЭҺИТТЭРЭ!
Саха Өрөспүүбүлүкэтин Ил Түмэнин аатыттан уонна тус бэйэм ааппыттан идэлээх бырааһынньыккытынан – Арассыыйатааҕы бэчээт күнүнэн эһигини истиҥник эҕэрдэлиибин!
Петр I олохтообут Арассыыйа бастакы бэчээттэнэн тахсар хаһыатын утумнаан 1992 сыллаахха Арассыыйатааҕы бэчээт күнэ тэриллибитэ. Дойдуга бу күн идэлээхтэр бырааһынньыктарын ортотугар маҥнайгылар ахсааннарыгар киирбитэ.
1907 сыллаахха «Саха дойдута» сахалыы тыллаах хаһыат тахсыытыттан ситимнэнэн 2020 сылга Саха Өрөспүүбүлүкэтин Ил Дархана Айсен Николаев ыйааҕынан Национальнай бэчээт күнэ тэриллибитэ. Бу кэм устатыгар суруналыыстыка сүһүөҕэр дьоһуннаахтык туран гражданскай уопсастыба быстыспат сорҕото буола сайдыбыта.
Бүгүн биһиэхэ, хаһааҥҥытааҕар даҕаны, кырдьык наада. Олорор бириэмэбит туһунан кырдьык. Дьиҥнээх билиини уонна үрдүк майгыны-сигилини түмэр, духуобунаспыт сүрүн бириинсибин быһыытынан өрө тутуллар кырдьык. Эһиги түүннэри-күнүстэри үлэлиир буолаҥҥыт биһиги аан дойдуга, Арассыыйаҕа уонна Саха сиригэр туох буола турарын туһунан кырдьыктаах сонуннары тутатына билэ олоробут.
Сонуну киэҥник тарҕатар ситим үлэһиттэрин, ону тэҥэ суруналыыстыкаҕа сыһыаннаах дьону барыгытын бырааһынньыккытынан эҕэрдэлиибин! Төрөөбүт дойдубут — Арассыыйа кэскилин туһугар үлэҕит ситиһиилээх буоллун!
Саха Өрөспүүбүлүкэтин Ил Түмэнин Бэрэссэдээтэлэ Алексей ЕРЕМЕЕВ.
Эп-эдэркээн уолаттар милиция үлэтин өрө тутан, дьон нус-хас олоҕун туһугар туруулаһа сылдьан сидьиҥ дьон илиититтэн…
Дьокуускайга “Чайковский-фест” ньиргийэ турдаҕына, “Иоланта” операҕа сылдьыбытым. Бу операҕа хараҕа суох кыыс туһунан кэпсэнэр. Аҕата-ийэтэ…
Быйылгы дьылга бастакы "Айкуо" сэрийээли көрөн бүтэрдибит. Дьон-сэргэ саҥа сэрийээли олус сөбүлээбит, оҕолор оонньуулларын астыммыт.…
"ҮРГЭЛ" галереяҕа алтынньыга Сардаана Владимировна Яковлева уонна киһи кыыһа Анжелика Викторовна хартыыналарын дьон көрүүтүгэр туруордулар.…
Кэнники кэмҥэ элбэх киһи хаан баттааһына үрдүүрүнэн эрэйдэнэр буолла. Төбө ыалдьыбат буоллаҕына, үгүстэр наадыйбаттар, билбэттэр…
Үөһээ Бүлүү улууһугар булчут сүттэ диэн иһитиннэрии киирбитин кэннэ, сэтинньи 4 күнүгэр көрдүүр үлэ саҕаламмыта. …