Алексей Еремеев: «Баар боломуочуйалары тыырсыыга сөптөөх этиилэр киирдилэр»

Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ буола турар.

Ил Түмэн спикерэ Алексей Еремеев санаатын үллэстэр:

— Улуустарынан дьону-сэргэни кытта дьүүллэһии эрдэ барбыта биллэр. Ол иһин манна кэлбит дэлэгээттэр бу сокуон туох уларытыыны киллэрэрин, туохха анаммытын билэн кэлбиттэр. «Төгүрүк остуолларга» билигин биһиги хайдах үлэлиибит-хамсыыбыт, олоробут, боломуочуйаларбытын тыырсабыт, туохха болҕомтобутун уурабыт диэн кэпсэтиилэр буоллулар. Дьоҥҥо сэргэҕэ махтанабын, тоҕо диэтэххэ бу сокуону бары өйөөтүлэр, наадалааҕынан аахтылар. Олохтоох бэйэни салайыныы икки мэндиэмэннээх хаалбытын саамай сөптөөҕүнэн аахтылар, баар муниципалитеттарбыт бары оннуларынан хаалаллар. Саҥа быыбардыыр систиэмэни олоххо киирэрин дьон өйөөбүтүн уонна сөптөөҕүнэн аахпытыгар махтанабын, боломуочуйаларга үлэлэр барыахтара. Кэлэр өттүгэр судаарыстыбаҕа баар боломуочуйалары тыырсыыга сөптөөх этиилэр киирдилэр.