Ааптар хаартыкаҕа түһэриитэ
Бүгүн Ил Түмэн 11-с уочараттаах пленарнай мунньаҕа буолан ааста. Мунньахха уопсайа 42 боппуруос көрүлүннэ. Ил Түмэн бэрэссэдээтэлэ Алексей Еремеев бүгүҥҥү пленарнай мунньах түмүгүнэн санаатын үллэһиннэ.
— Бүгүн улахан боппуруостар көрүлүннүлэр, ол иһигэр биэс суут учаастагар мировой судьуйалары таллыбыт, Ис Дьыала миниистирин 2024 с. үлэтин-хамнаһын туһунан отчуотун иһиттибит. Өрөспүүбүлүкэҕэ буруйу оҥоруу хартыыната уопсайынан ыллахха, куһаҕана суох. Ыар буруйу оҥоруу көрдөрүүтэ кыччаабыт. Хомойуох иһин, биһиэхэ төлөпүөн, интэриниэт ситимин нөҥүө түөкүннээһин элбии турар. Чуолаан кырдьаҕас дьон эмсэҕэлиир. Ол иһин биһиги ис дьыала уорганнарыгар сөптөөх этиилэри оҥордубут уонна учаастактааҕы боломуочуйалаах полиция үлэһиттэрин ситэри толоро иликпит. Улуустарга, нэһилиэктэргэ сырыттахха бу туһунан тоһоҕолоон бэлиэтииллэр. Норуот дьокутааттара буоларбыт быһыытынан, Ис Дьыала миниистиригэр ону тириэртибит. Үлэни күүһүрдэн учаастактарга хас биирдиилэригэр боломуочуйалаах полиция үлэһитэ баар буоларын ситиһиэхтээхпит. Ону таһынан Улуу Кыайыы 80 сылынан, өрөспүүбүлүкэҕэ баар 9 сэрии бэтэрээнигэр, 1500 кэриҥэ тыыл бэтэрээннэригэр уонна сэрии сылларын оҕолоругар туох көмө, хайдах оҥоһуллубутун чулкайдыыр Бырабыыалыстыба чааһын ыыттыбыт. Көмө тиһиктээхтик бара турарыттан астынныбыт. Быһаарыллыбыт үп-харчы олунньу бүтүөр диэри ылыахтаах дьоҥҥо тиийдэ. Ону таһынан сэрии бэтэрээннэригэр барыларыгар Ил Дархан Айсен Николаев Өрөспүүбүлүкэ Бочуоттаах олохтоохторун аатын иҥэрэр анал ыйааҕы таһаарбыта. Онон сиэттэрэн бу араҥа дьоммут ый аайы эбии дохуоттанар буолуохтара. Ыччаты патриотическай иитии хайысхатыгар сокуоҥҥа уларытыыны киллэрдибит. Аны төрдүс, бэһис оҕо төрөөтөҕүнэ ийэ хапытаала төлөнөрүн курдук сокуон үс барылын бүтүннүү ылынныбыт. Судаарыстыбаннай босуобуйаны улаатыннарыы өттүгэр сокуону көрдүбүт. Онтон даҕаны атын боппуруостар Ил Түмэҥҥэ көрүлүннүлэр.
“Субсидия агентствота” тэрилтэ дьиэ-уот хомунаалынай өҥөлөрө от ыйын 1 күнүттэн үрдээбитинэн сибээстээн, үчүгэй баҕайы комикстары…
Бу күннэргэ Өймөкөөн улууһугар алдьатыылаах айылҕа иэдээниттэн эмсэҕэлээбит нэһилиэктэргэ олорор дьиэлэри чөлүгэр түһэрии үлэтэ бара…
Ойуур баһаарын умуруорууга уонна бохсууга илиинэн хаһан минеральнай балаһалары оҥоһуллаллар уонна үрүсээккэ сүгэ сылдьан ууну…
Атырдьах ыйын 4 күнүттэн 10 күнүгэр диэри өрөспүүбүлүкэҕэ Ийэ үүтүнэн аһатыы нэдиэлэтэ ыытылла турар. Аан…
Дьокуускай олохтоохторо уонна ыалдьыттара киэһээҥҥи табыгастаах бириэмэҕэ босхо мэдиссиинэ көрүүлэрин ааһыахтарын сөп. Аахсыйаҕа туох киирэрий:…
Хоту улуустартан кэлбит бөллөхүнэни "Сайсары" бааһынай ырыынагар ыарахан сыанаҕа атыылыыллар. Бу, биллэн турар, былырыыҥҥы хомуур.…