Василий Кононов хаартыскаҕа түһэриитэ
Бүгүн сэттис ыҥырыылаах Ил Түмэн бастакы пленарнай мунньаҕа үлэтин саҕалаата. Мунньахха аны биэс сылга үлэлиэхтээх Ил Түмэн дьокутааттарын састаабын таллылар. Бастаан мандаат хамыыһыйатын уонна хамыыһыйа бэрэссэдээтэлин итиэннэ счетнай хамыыһыйа састаабын таллылар, норуот дьокутааттарын боломуочуйаларын бигэргэттилэр. Дьэ, ол кэнниттэн сэттис ыҥырыылаах Судаарыстыбаннай Мунньах (Ил Түмэн) Бэрэссэдээтэлин уонна солбуйааччыларын таллылар.
Быйыл эмиэ сэттис ыҥырыытын Ил Түмэн бэрэссэдээтэлинэн хос талыллыбыт Алексей Еремеев бүгүҥҥү пленарнай мунньах туһунан санаатын үллэһиннэ:
— Бүгүн сэттис ыҥырыылаах Ил Түмэн бастакы пленарнай мунньаҕа буолла. Бастатан туран, бүгүн биһиги бэрэссэдээтэлбитин таллыбыт.
Түгэнинэн туһанан, биир идэлээхтэрбэр, норуот дьокутааттарыгар миэхэ итэҕэйэн, куоластарын биэрэн, сэттис ыҥырыылаах Ил Түмэн бэрэссэдээтэлинэн талбыттарыгар махталбын тиэрдэбин. Бэйэм күүспүн-уохпун, билиибин-көрүүбүн биэрэн тураммын, сөптөөхтүк, дьоһуннаахтык, норуот, өрөспүүбүлүкэ интэриэһин туруорсарга, Улуу Арассыыйа кыайыылаах-хотуулаах тахсарыгар үлэлиэм-хамсыам диэн эрэннэрэбин. Иккиһинэн, бүгүн Ил Түмэн бэрэссэдээтэлин бастакы солбуйааччытын Александр Жиркову уонна үс солбуйааччыны – Юрий Николаевы, Афанасий Владимировы, Александр Подголовы өйөөбүттэригэр эмиэ махтанабын. Биһиги бииргэ үлэлиир кэллиэгэлэрбитигэр тэрийэр кэмитиэт уонна мин тус этиибин өйөөбүттэригэр махтанабын.
Бүгүн эбиэттэн киэһэ сис кэмитиэттэр салайааччылара, солбуйааччылара, чилиэннэрэ кимнээх буолалларын туһунан быһаарсыахпыт. Хас биирдии баартыйа фракциятын, хас биирдии норуот дьокутаатын кытары кэпсэтии барыа. Ол кэннэ сарсын Ил Түмэн мунньаҕар куоластааһыҥҥа таһаарыахпыт.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…