Алексей Еремеев олохтоох салайыныыга тахсар уларыйыылары Нам нэһилиэнньэтигэр билиһиннэрдэ

Ил Түмэн Бэрэссэдээтэлэ Алексей Еремеев бүгүн Нам сэлиэнньэтигэр  оробуочай сырыынан тиийдэ.

Үлэ сүрүн соруга – улуус дьонугар олохтоох салайыныыга сыһыаннаах федеральнай сокуоҥҥа киирэр уларыйыыларынан сиэттэрэн өрөспүүбүлүкэҕэ ылыллыахтаах сокуон туһунан иһитиннэрии, быһаарыы.
А.Ф. Шестаков аатынан норуот айымньытын дьиэтигэр Нам улууһун олохтоохторо толору мустан, Алексей Еремеев олохтоох салайыныы сокуонун барылын саҥа балаһыанньаларын иһиттилэр. Спикер тыл этэригэр, баһылыгы талыы, боломуочуйаны тыырсыы уо.д.а. тутаах өрүттэри төрдүттэн сиһилии ырытан, өйдөтөн биэрдэ. Мунньахха улуус олохтоохторо, оройуон, нэһилиэктэр баһылыктара, тэрилтэ салайааччылара дьокутаттар кытыннылар.
Тэрээһин аһаҕас кэпсэтии көрүҥүнэн ыытылынна, мустубут дьон уларыйыылар тула ыйытыылары биэрдилэр, санааларын эттилэр.

Олохтоох салайыныы сокуонун барыла сэтинньи 26-27 күннэригэр Ил Түмэн киэҥ ыҥырыылаах мунньаҕар бастакы ааҕыыга көрүллүөҕэ. Ахсынньыга бэрэстэбиитэллээх уорганнар дьокутааттарын үһүс сийиэһигэр ырытыахтара.