Алексей Иннокентьев: «Көмө, өйөбүл кэмигэр оҥоһуллар»

Ньурба улууһун баһылыга Алексей Иннокентьев байыаннай эпэрээссийэттэн дойдуларыгар кэлэ сылдьар буойуттары көрсүбүтүн туһунан телеграм-ханаалыгар иһитиннэрдэ.

— Дойдуларыгар уоппускаҕа кэлэ сылдьар байыаннай сулууспалаах Евгений Лебедевы уонна Самуил Иванову кытары көрүстүм. Уолаттар хайдах сылдьыбыттарын кэпсээтилэр, көмө, өйөбүл кэмигэр оҥоһулла турар дииллэр. Кинилэргэ Арыйаан Уус оҥорбут саха быһахтарын уонна иистэнньэҥнэр түмсүүлэрэ тикпит маллаах, харысхаллаах суумкаларын туттардым.

Бары этэҥҥэ сылдьабыт, дьоммутун кытары сибээс тута сытабыт, ас-үөл, таҥас-сап баар дииллэр.