Алексей Иннокентьев: «Тыа сиригэр олохсуйар эдэр исписэлиистэри өйүүр саҥа өйөбүл миэрэлэрэ наадалар»
![](https://sakha-sire.ru/wp-content/uploads/2023/12/photo_2023-12-21_16-24-09-1060x596.jpg)
Тыа сиригэр эдэр исписэлиистэр олохсуйалларыгар саҥа өйөбүл миэрэлэрэ наадатын туһунан Ньурба улууһун баһылыга Алексей Иннокентьев санаатын үллэһиннэ:
— Бүгүн сылы түмүктүүр улахан мунньаҕы СӨ Бырабыыталыстыбатын бэрэссэдээтэлэ Кирилл Бычков иилээн-саҕалаан ыытта. Сыл ситһиилээхтик ааста дии саныыбын. Улахан тэрээһиннэр ыытылыннылар. Биһиги улууспутугар ааһан эрэр уһуйааччы сылынан үгүс тэрээһин ыытылынна. Эдэр учууталлар уһук сытар нэһилиэктэрбитигэр олохсуйан үлэлии хаалбыттарын иһин 500-түү тыһыынча солкуобайы биэрбиппит. Үөрэх хаачыстыбата тупсарыгар, оскуола, учууталлар таһымнарын үрдэтиигэ сүрүн болҕомтону уурабыт. Улуустарга эдэр учууталлар олохсуйан үлэлии хаалалларыгар билиҥҥи курдук өйөбүл миэрэлэрин таһынан саҥа ньымалар эмиэ наадалар дии саныыбын. Оҕолор үрдүк үөрэх кыһатын бүтэрэн баран киин сиргэ, улахан оскуолалар тутуллар сирдэригэр олохсуйа сатыыллар. Онон тыа сирин ипотекатын көҕүлүөххэ наада диэн тус санаабын тиэрдэбин. Онон биһиэхэ, бэйэбит эрэгийиэммит туспа бырагырааммата олус туһалаах буолуо этэ. Бу өйөбүл миэрэлэрэ учууталларга эрэ буолбакка, атын да исписэлиистэргэ сыһыаннаах.
Сообщить об опечатке
Текст, который будет отправлен нашим редакторам: