Хаартыска: Кирилл Бычков телеграм ханаалыттан
Тыа сиригэр эдэр исписэлиистэр олохсуйалларыгар саҥа өйөбүл миэрэлэрэ наадатын туһунан Ньурба улууһун баһылыга Алексей Иннокентьев санаатын үллэһиннэ:
— Бүгүн сылы түмүктүүр улахан мунньаҕы СӨ Бырабыыталыстыбатын бэрэссэдээтэлэ Кирилл Бычков иилээн-саҕалаан ыытта. Сыл ситһиилээхтик ааста дии саныыбын. Улахан тэрээһиннэр ыытылыннылар. Биһиги улууспутугар ааһан эрэр уһуйааччы сылынан үгүс тэрээһин ыытылынна. Эдэр учууталлар уһук сытар нэһилиэктэрбитигэр олохсуйан үлэлии хаалбыттарын иһин 500-түү тыһыынча солкуобайы биэрбиппит. Үөрэх хаачыстыбата тупсарыгар, оскуола, учууталлар таһымнарын үрдэтиигэ сүрүн болҕомтону уурабыт. Улуустарга эдэр учууталлар олохсуйан үлэлии хаалалларыгар билиҥҥи курдук өйөбүл миэрэлэрин таһынан саҥа ньымалар эмиэ наадалар дии саныыбын. Оҕолор үрдүк үөрэх кыһатын бүтэрэн баран киин сиргэ, улахан оскуолалар тутуллар сирдэригэр олохсуйа сатыыллар. Онон тыа сирин ипотекатын көҕүлүөххэ наада диэн тус санаабын тиэрдэбин. Онон биһиэхэ, бэйэбит эрэгийиэммит туспа бырагырааммата олус туһалаах буолуо этэ. Бу өйөбүл миэрэлэрэ учууталларга эрэ буолбакка, атын да исписэлиистэргэ сыһыаннаах.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…