Хаартыска Алексей Калининскай архыыбыттан
Бүгүн Дьокуускай куорат П.Н. уонна Н.Е. Самсоновтар ааттарынан Хатас орто оскуолатын саҥа куорпуһа аһыллан, олохтоохтор, учууталлар үөрэнээччилэр үөрүүлэрэ улаатта. Үөрэх саҥа дыбарыаһа үлэҕэ киирэн, оҕону уонна учууталлары кэрэ эйгэҕэ уһуйарга, ырыаҕа-тойукка дьарыктыырга туох баар усулуобуйа оҥоһулунна диэн култуура үтүөлээх үлэһитэ, «Гражданскай килбиэн» бэлиэ, М.Е. Николаев «Во имя славы Республики» пуондатын лауреата, Дьокуускай куорат өрөгөй ырыатын ааптара Алексей Калининскай-Луҥха санаатын үллэһиннэ:
— Хатастааҕы «Тускул» култуура киинигэр музыкальнай салайааччынан үлэлиибин, элбэх ансаамбылы, хуору тэрийэбин. Мин Хатас олохтооҕо уонна манна орто оскуола кэллэктиибин хуорун салайааччыта буоларым быһыытынан олус үөрэн турабын. Бу оскуолаҕа үлэлээбитим бэһис сылым. Агрооскуолалар ортолоругар ырыа күрэҕэр иккитэ Гран-при хаһаайыттарынан буолбуппут. Кэлэр сылга эмиэ кыттаары бэлэмнэнэ сылдьабыт. Бу олус үчүгэй бырайыак буолар, тыа сирин оскуолаларын кэллэктииптэрэ бэйэлэрэ ырыаны-тойугу көҕүлүттэн тутаннар, олоҕу туойаллар, ситиһиилэрэ элбэх.
Урут дьарыктанар сирбит суох этэ, наар успуорт саалатыгар, гардеробка, көрүдүөргэ, муннукка-ханныкка дьарыктанар этибит. Билигин дьэ бу уораҕайга анал аактабай саалаланан үөрэн-көтөн сылдьабыт. Мантан инньэ чааһынан араартаан дьарыктарбыт саҕаланыахтара. Маннык киэҥ-куоҥ, сырдык, ыраас, аныгылыы оҥоһуулаах оскуола үлэҕэ киирбититтэн, ама, ким үөрбэт буолуоҕай. Онон мантан инньэ, Хатас сэлиэнньэтэ өссө кэҥиэ, тупсуо турдаҕа.
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…