Андрей Сорокин, ЯСИА
Алексей Колодезников Саха Өрөспүүбүлүкэтин Төрүт сокуонугар киллэриллибит уларытыылар тустарынан санаатын маннык суруйбут:
— Бүгүн өрөспүүбүлүкэ парламенын пленарнай мунньаҕар үс ааҕыыга Саха Өрөспүүбүлүкэтин Төрүт сокуонугар уларытыылары көрөн, ылынныбыт. Ону федеральнай сокуону кытта сөп түбэһиннэриини эрэ буолбакка, өрөспүүбүлүкэбит сорох боломуочуйаларын мэктиэлээтибит.
Кэнники күннэргэ уопсастыбаннас Саха Өрөспүүбүлүкэтин Төрүт сокуонугар киллэриллиэхтээх уларытыылары көхтөөхтүк дьүүлэспитэ. Былаас аһаҕас буолан, бу уларыйыылары киэҥник дьүүллэһэр кыахтанныбыт. Публичнай истиилэр, кэмитиэттэргэ уонна хамыыһыйаларга ырыттыбыт.
Мин Саха Өрөспүүбүлүкэтин Конституциятыгар (Төрүт сокуонугар) уларытыылары киллэрэр туһунан сокуон барылын сиһилии үөрэппит дьоҥҥо махтанабын.
Кинилэр ыллыктаах, дириҥ толкуйдаах боппуруостары туруорсаллар уонна бу федеральнай сокуоннаска сөп түбэһиннэрэр туһугар ыытылларын таба өйдүүллэр. Тоҕо диэтэхэ, биһиги Арассыыйа Федерациятыгар – быраап өттүнэн биир хонууга олоробут.
Холобура, үөрэхтээһиҥҥэ. Уопсай үөрэххэ киһи барыта тиксэр бырааптааҕа уонна босхо буолара. Ону тэҥэ орто идэтийбит үөрэххэ эмиэ босхо үөрэниэххэ сөп. Ону ким да уларыппат.
Салгыы. Олохтоох салайыныыга.
Саха сиригэр олохтоох салайыныы уорганнара тохтууллар диэн инсинуация баар. Оннук буолбатах. Өрөспүүбүлүкэҕэ икки таһымнаах систиэмэ оннунан хаалар. Мин Айхал бөһүөлэгэр баһылыктаабыт буолан, маны билэбин.
Олохтоох салайыныыны (ОМСУ) быһаарыы өттүгэр этиилэрэ 2025 сыл кулун тутар 20 күнүнээҕи “Об общих принципах организации местного самоуправления в единой системе публичной власти” Федеральнай сокуоҥҥа хайы-үйэ суруллубута.
Маны сэргэ Конституция туһаныллар эрэдээксийэтигэр олохтоох салайыныы уорганнарын чопчуламмыт боломуочуйалара ыйыллыбыттара, киэҥник сокуоҥҥа чопчуламмыта. Маны хатылыыр табыллыбат.
Конституция 72 ыст. 14 п. Саха сирин Ил Дарханын боломуочуйаларын туһунан ыстатыйаҕа уларытыыны киллэрии чааһыгар тохтоотоххо. Манна быһаарыыны тус бэйэтэ ылынарын курдук саҥаны киллэриигэ быһаарыныы өттүгэр туох да саҥа суох. Ити 1998 с. өрөспүүбүлүкэ сокуонугар чопчуланан турар.
Онон мин Төрүт сокуоммутун ситэрэр-хоторор туһугар Конституцияҕа уларытыылары киллэриини өйөөтүм.
ВместеТолькоВперёд #ИлТумэн
t.me/kolodeznikov_alexey
Саха төрүт аһа. Көбүөрдээх лэппиэскэни сөбүлүүгүт дуо? Оттон сыаҕа буспут лэппиэскэни амсайбыккыт дуу? Маныаха Е.Ф.Кузьмина "Саха…
Үс сыллааҕы өрөспүүбүлүкэ судаарыстыбаннай бүддьүөтүн торумнааһыҥҥа Саха сирин Бырабыыталыстыбата тутаах хайысхаларга гражданнары социальнай өйөөһүнү үбүлээһин…
Саха Өрөспүүбүлүкэтигэр туристическай инфраструктураны сайыннарыыга биир кэлим субсидияны биэриигэ сүүмэрдииллэр. Бу дойду Бэрэсидьиэнэ Владимир Путин…
Ил Түмэҥҥэ “2026 сылга, 2027 уонна 2028 сыллардааҕы былааннаммыт кэмҥэ Саха Өрөспүүбүлүкэтин судаарыстыбаннай бүддьүөтүн туһунан”…
Степан Саргыдаев, Чурапчы улууһун баһылыга: --Чурапчы нэһилиэгин баһылыгыттан саҕалаан улуус баһылыгынан талыллан баһылыктыы уонна өрөспүүбүлүкэ…
Саха сиригэр бу бырайыак иитинэн өрөспүүбүлүкэ 1049 олохтооҕо үөрэнэр. --Өрөспүүбүлүкэ олохтоохторун үөрэтии 82 бырагырааманан тэрилиннэ.…