"Сахатранснефтегаз" АУо пресс-сулууспатын хаартыската
«Сахатранснефтегаз» АУо генеральнай дириэктэрэ, «Биир ньыгыл Арассыыйа» баартыйаны өйөөччүлэр Сэбиэттэрин Саха сиринээҕи салаатын бэрэссэдээтэлэ Алексей Колодезников:
— Биһиги байыаннай эпэрээссийэ бара турар усулуобуйатыгар олоробут, үлэлиибит. Дойду Бэрэсидьиэнин Этиитигэр бу боппуруоска итиэннэ байыаннай сулууспалаахтарга, кинилэр дьиэ кэргэттэригэр өйөөһүн миэрэлэригэр, дойду саҥа эрэгийиэннэригэр инфраструктураны чөлүгэр түһэриигэ ураты болҕомтотун уурда. Байыаннай эпэрээссийэҕэ олохтон туораабыт буойуттар, ону сэргэ бэтэрээннэр дьиэ кэргэттэригэр тус аадырыстаах көмөнү оҥорор соруктаах саҥа судаарыстыбаннай пуонда судаарыстыба иннигэр турар соруктары толорууга туһуланыыта сөптөөх быһаарыы буолар. Бу улахан эппиэтинэс. Сыл устатыгар сааҥсыйалар биһиги экэниэмикэбитин кыайан суулларар кыаҕа суохтарын, Арассыыйа норуоттарын бигэ эрэллэрин тулхадыппатахтарын өссө төгүл итэҕэйдибит. Төттөрүтүн, дойдуга бэриниилээх буолуубут улаатта. Бу – сомоҕолоһуу.
Владимир Путин гражданнар сирдэригэр гаас ситимин босхо тардыы бырагыраамата болдьоҕо суох буолуохтааҕын иһитиннэрдэ. «Сахатранснефтегаз» национальнай нефтегазовай хампаанньата социальнай гаастааһыҥҥа ааспыт сыллааҕы былаанын аһара толорбута. Бу хайысхаҕа үлэ ыстаабын Ил Дархан Айсен Николаев бэйэтэ салайар. Онон ити түмүктэр Саха сирин олохтоохторун дьиэлэрин уонна социальнай эбийиэктэри гаастааһын ситиһиилээхтик салҕанарын туоһутунан буоллулар. Холобура, бу сылга биһиги 1800 олорор дьиэни гаас ситимигэр холбуохпут. Ол кыаллар.
Дойдуга төһө да күүстээх ыгыы оҥоһулла турдар, Владимир Владимирович Этиитигэр дойду бэйэтин былаанынан этэҥҥэ салгыы олорорун көрдөрөр элбэх дьаһаллар, саҥа быһаарыылар кэрискэлэрин иһитиннэрдэ: дьиэлэр, социальнай эбийиэктэр, суоллар уонна муосталар, собуоттар уонна предрприятиелар салгыы тутулла туруохтара. Атыннык эттэххэ, норуот хаһаайыстыбатын бары салаалара салгыы өйөбүллээх буолуохтара. Бу бигэ туругу кэрэһилиир.
Нумеролог Мариана Тимофеева 2025 сылы билгэлээтэ. Үүммүт сыл, сыыппара хараҕынан көрдөххө, тугу тосхойоруй? Үүммүт Иэйиэхсит…
Ааспыт сууккаҕа Саха сиригэр 5 буруйу оҥоруу тахсыбыта бэлиэтэммит. Бу туһунан СӨ Борокуратууратын пресс-сулууспата суруйар.…
Саха сиригэр национальнай бырайыактары олоххо киллэриитин алта сыл иһигэр 170 эбийиэк тутулунна: 44 оскуола, 24…
Хаҥалас оройуонугар ДПС инспектордара трассаҕа умуллубут массыыналаах суоппар кыыска көмө оҥордулар. Томороон тымныыларга массыына айаннаан…
Саҥа сылга үктэнээт, киин куоракка култуура кииннэригэр, тыйаатырдарыгар араас ис хоһоонноох дьон сынньалаҥар туһуламмыт тэрээһиннэр…
Тохсунньу 5 күнүгэр социальнай ситимнэринэн Кириэмилгэ Арассыыйа Дьоруойа аатынан Муома улууһуттан Сааһыыр олохтооҕун наҕараадалыахтара диэн…