Хаартыска: Елена Потоцкая.
Быйыл «Өлүөнэ очуостара» айылҕа национальнай паарката тэриллибитэ 30 сыллаах үбүлүөйүн бэлиэтииринэн сибээстээн, араас ис дириҥ хоһоонноох тэрээһиннэр ыытылла тураллар.
Бүгүн «Арассыыйа — мин дойдум» историческай түмэлгэ «Өлүөнэ очуостара” айылҕа пааркатын тэрийиигэ үлэлэспит учуонайдарга аналлаах “төгүрүк остуолга” ыҥырыылаах ыалдьыт, Арассыыйа наукаларын академига, Бүтүн Арассыыйатааҕы палеонтологическай уопсастыба бэрэсидьиэнэ Алексей Розанов кыттыыны ылла. Кини тэрээһин саҕаланыан иннинэ суруналыыстары кытта көрүстэ.
Аатырбыт учуонай Алексей Розанов Дьокуускайга Кембрий түмэлэ аһыллыытыгар сыһыаннаах бэйэтин санаатын маннык үллэһиннэ:
— Бу мусуойга Өлүөнэ очуостарыгар уонна Алдаҥҥа булуллубут араас харамай эспэнээттэрин дубликаттара хараллыахтара. Кембрий саҕанааҕы кэмҥэ аан дойдутааҕы харамайа үөскээбит сириттэн үгүс учуонай Өлүөнэ очуостарын харамайдарын үөрэтиилэрэ дойду киин куораттарынан эрэ буолбакка, кыраныысса таһыгар кытта тахсыбыттара. Онон ити үөрэтиилэри, эспэнээттэри, хаартыскалары, устуулары барытын бииргэ хомуйан, түмэн, Дьокуускайга бэйэтигэр хомуйан аҕалар сорук турар. Бу аан дойдутааҕы таһымнаах кэлиэксийэ буолуоҕа. Онон кэнэҕэс бу ураты мусуойу көрөөрү бары дойдулартан тоҕуоруһуохтара. “Түмэли ханна тутабыт?” диэн дьүүллэһиигэ, мин “хайаан да эрэстэрээннээх гостиницаттан чугас буолуохтаах” диэн бэлиэтээбитим. Оччотугар бу түмэл сылы эргиччи үлэлиир кыахтанар. Санаан көрүҥ, 50 кыраадыстаах тымныыга кэлбит турист хайаан да бу түмэли аһара барыа суоҕа, көрөн баран барыаҕа. Экзотика экзотиканан, ол эрээри дьон сынньанар усулуобуйатын эмиэ хааччыйыахха наада. Кембрий түмэлэ, Дьокуускай эрэ түмэлэ буолбатах, бу федеральнай таһымнаах эбийиэк. Аан дойдуга 1-кы №-дээх мусуой. Өрөспүүбүлүкэ салалтата бу сылларга маннык улахан суолталаах эбийиэги тутар былааннаах. Маннык баай ис хоһоонноох түмэл аан дойдуга соҕотох, ол да иһин кини эспэнээттэрэ үйэтитиллиэхтээхтэр, — диэн суруналыыстарга анаан бэлиэтээн эттэ ааттаах-суоллаах учуонай Алексей Розанов.
Быйыл “Өлүөнэ очуостара” айылҕа национальнай паарката 30 сыллаах үбүлүөйүн бэлиэтиир. Онон бу күннэргэ тэрилтэ салалтата…
Үбүлүөйдээх Илиҥҥи экэнэмиичэскэй пуорумҥа анаан Владивостокка Өрөбөлүүссүйэни Туруулаһааччылар болуоссаттарыгар киэҥ далааһыннаах хаартысканан быыстапка аһылынна. РФ…
Уот турбут төрүөтэ сиһилии чуолкайданар. Атырдьах ыйын 26 күнүгэр Дьокуускайга Михаил Николаев проспегар турар элбэх…
Бу күннэргэ Өймөкөөн улууһугар от ыйыгар уһун ардахтан халааннаан, дьон олорор дьиэтин, оҕуруотун барытын уу…
РФ Бырабыыталыстыбата саҥа быраабыланы бигэргэппит. Онно олоҕуран, үлэ биэрээччилэр хамнас орто кээмэйин биир алгоритмынан ааҕар…
Хаҥалас улууһун Мохсоҕоллоох бөһүөлэгэр дьахтары өлөрүү холуобунай дьыалатын силиэстийэтэ түмүктэннэ. СӨ Силиэстийэлиир кэмитиэтэ иһитиннэрбитинэн, буруйданааччы…