Алексей Семенов: “Михаил Николаев эдэр учууталлары өйүүрэ”

Алексей Семенов, Дьокуускай куорат Н.Кривошапкин аатынан 5 №-дээх оскуола дириэктэрэ:

— Бастакы бэрэсидьиэммит Михаил Ефимович Николаев эдэр учууталларга олус улахан болҕомтотун уурара. Ол курдук, 1999 с. кини этиитинэн Москва куоракка физика, математика, информатика эдэр учууталлара баран үөрэнэн кэлбиппит. Онно физика учуобунньугун ааптардарын кытта көрсүспүппүт. Улахан суолталаах үөрэх буолбута. Салайааччы буола үүнэн тахсыбыппыт. 2008 с. миигин Дьокуускай коурат 2 №-дээх оскуолатыгар дириэктэринэн анаабыттарыгар үлэлээбит бастакы ыйбар тиийэн кэлбитэ. Киниэхэ былааммын кэпсээбитим, онно сүбэ-ама биэрбитэ.