Хаартыска уонна видео: Елена Потоцкая.
Ахсынньы 10-12 күннэригэр Саха сиригэр “Төрөөбүт дойду – Арассыыйа күүһэ” дойду үрдүнэн ыытыллар III муниципальнай пуорум ыытыллыаҕа.
Дойду араас куораттарыттан кэлбит муниципалитеттар баһылыктара, биисинэс уонна бырабыыталыстыба уорганнарын бэрэстэбиитэллэрэ тыйыс тымныы усулуобуйалаах өрөспүүбүлүкэ сайдыытыгар туһуламмыт салайар үлэ бастыҥ уопутун кытта билсэ сылдьаллар. Салайааччылар ортолоругар Ярославскай уобалас Большесельскай муниципальнай уокурук баһылыга Алексей Шутов баар. Кини Мэҥэ Хаҥалас улууһун баһылыга Дмитрий Тихоновтыын «Мээр оскуолатыгар» бииргэ үөрэммиттэр. «Кэллиэгэм төрөөбүт дойдутугар аан бастаан кэлиим. Чаас уларыйан, үөрүйэҕэ суох киһиэхэ уустук эбит. Бу кэмҥэ дойдубар дьонум утуйа сыталлар, оттон мин үлэм үгэнэ. Наһаа да тымныы дойдуга олорор эбиккит. Бу маннык тыйыс усулуобуйалаах сиргэ бэрт үгүс үлэ барарын сөҕө иһиттим. Сарсын эмиэ олус интэриэһинэй көрсүһүүлэр, араас хайысхалаах үлэ уопутун билсэн баран ырытыахпыт, санаа атастаһыахпыт. Бу маннык эрэгийэннэринэн сылдьан уопут атастаһан баран, дойдубутугар үгүс элбэх сонун көрүүлээх, айыах-тутуох санаалаах тиийиэхпит«, — диэн санаатын үллэһиннэ Алексей Андреевич.
Ахсынньы 12 күнүгэр дойду араас куораттарыттан кэлбит салайааччылар «Арассыыйа — мин устуоруйам» түмэл комплексыгар үлэлиэхтэрэ. Манна кэскиллээх боппуруостары, ол иһигэр эрэгийиэннэргэ туризмы сайыннарыыны, куораттар уонна муниципалитеттар сайдыыларыгар сыһыаннаах маастар-былааннары, судаарыстыба, урбаан уонна гражданскай уопсастыба сыһыаннаһыыларын уо.д.а боппуруостары ырытыахтара.
Саха Өрөспүүбүлүкэтигэр ыттары булгуччулаахтык учуокка туруоруу саҕаланна. Бу ирдэбил «Кыыллары кытта эппиэтинэстээхтик сыһыаннаһыы туһунан» федеральнай…
Ахсынньы 11 күнүгэр Дьокуускайга Саха Өрөспүүбүлүкэтин Ил Дарханын иһинэн үлэлиир Олохтоох салайыныы сэбиэтин кэҥэтиллибит мунньаҕа…
Ахсынньытааҕы хамнаһы болдьоҕун иннэ, төлөнөр күнэ Саҥа дьыллааҕы бырааһынньыктарга түбэстэҕинэ, ылар кыах баар. Бу туһунан…
Өрөспүүбүлүкэ үрдүнэн ааспыт сууккаҕа буруйу оҥоруу 6 чахчыта бэлиэтэннэ. Бу туһунан СӨ Борокуратууратын пресс-сулууспата иһитиннэрэр.…
СӨ силиэстийэлиир управлениетын оройуоннар икки ардыларынааҕы киин силистийэлиир салаата Өктөм сэлиэнньэтигэр биэс киһи өлбүтүнэн, РФ…
Бу күннэргэ АХШ национальнай куттал суох буолуутун саҥардыллыбыт стратегията таҕыста. 33 илиистээх докумуоҥҥа АХШ Евросойуустааҕы…