Хаартыска: Н.И. Харлампьева тиксэриитэ.
Москваҕа «Молодая гвардия» кинигэ кыһатыгар «Жизнь замечательных людей» сиэрийэнэн бэчээттэммит «Алексей Томтосов» диэн кинигэ сүрэхтэниитэ буолла. Кинигэни норуодунай бэйиэт Наталья Харлампьева суруйда.
Алексей Александрович Томтосов — өрөспүүбүлүкэҕэ биллэр-көстөр киһи, 1970-с сылларга хомсомуол лиидэрэ, ССКП Киин кэмитиэтигэр, Дьокуускай куорат мээринэн, национальнай сыһыаннарга федеральнай миниистири солбуйааччынан үлэлээбитэ.
Бэс ыйын 14 күнүгэр Саха сирин Бастайааннай бэрэстэбиитэлистибэтигэр кинигэ сүрэхтэннэ. Уратыта диэн, сүрэхтэниигэ сүрүн сирэйинэн ааптар буолбакка, кинигэ дьоруойа буолбут. Алексей Александровиһы доҕотторо, кэлиэгэлэрэ, үөрэнээччилэрэ кэлэн, ис сүрэхтэриттэн эҕэрдэлээтилэр. Бу киэҥ саалаҕа ханнык эрэ түгэҥҥэ кини өйөбүлүн, көмөтүн билбэтэх киһи суоҕа буолуо.
— Мин бу кинигэҕэ үлэлиирбэр, аныгы устуоруйа биир ураты, чаҕылхай киһитин мэтириэтин суруйан таһаарыы судургу буолбатах этэ. Бары да ол кэмнэргэ олорон аастахпыт, ол эрээри, эпоха түгэх суолтатын өйдөөһүн, дириҥник хорутуу хойутуу кэлэр. Кинигэҕэ киирии тылы Томтосов доҕоро Артур Чилингаров суруйбута. Ол кинилэр бүтэһик алтыһыылара этэ…
Бу кинигэни аахпыт киһи Томтосов бэйэтин истиилинэн суруллубутун бэлиэтиэҕэ — олоҕун, үлэтин хронологията эрэ буолбакка, кини көрүүлэрэ, Мартин Лютер Кинг цитаталара элбэхтэр. Кини Мартин Лютер Кинг олоҕун, үлэтин туһунан кандидатскай диссертациятын көмүскээн турар. Саха литературатын устуоруйатын, классиктар дьылҕаларын, талааннаах дьон саҥа көлүөнэлэрин, көмөлөспүт дьонун туһунан, о.д.а. ааҕар интэриэһинэй буолуоҕа. Кини былыргы оҕонньоттордуу таайтаран этэр кистэлэҥнээх.
Сорохтор миигиттэн, сахалыы суруйар лирик-бэйиэттэн, ыйыталлар: тоҕо маннык кинигэлэри суруйарбын. Бу аата мин бэйиэт буолан тахсарбар олук уурбут учууталларбар, настаабынньыктарбар — Семен Даниловка, Алексей Томтосовка ытык иэспин төлүүбүн. Төһөнөн сааһыран иһэҕин да, ким да ирдээбэтин үрдүнэн, ытык иэстэргин төлүүр кэмиҥ кэлэр... — диэн Наталья Харлампьева кэпсээтэ.
Ааптар кинигэ тахсарыгар көмөлөспүт дьоҥҥо — «Молодая гвардия» сүрүн эрэдээктэригэр Мария Залесскаяҕа уонна сүрүн спонсорыгар Константин Ильковскайга махтанар.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…