Хаартыска: социальнай ситимнэртэн
Кэбээйи улууһуттан сылдьар элбэх көрүҥҥэ киирсэр Алексей Уваровскай Бүлүү улууһугар Выбор Быкалыров кэриэһигэр ыытыллыбыт «А» категориялаах өрөспүүбүлүкэтээҕи турнирга муҥутуур чөмпүйүөн аатын ылла.
Киниттэн ыарахан ыйааһыннаах ааттаах-суоллаах спортсменнар киирбиттэрин үрдүнэн кыайыыны ситистэ, диэн СИА иһитиннэрэр.
Уопсайа турнирга 120-чэ эр киһи уонна эдэр спортсменнар кытыннылар. Улахан дьон ортотугар элбэх биллэр спортсмен баар. Бары ыйааһыннарга кыһыл көмүс мэтээллэри Бүлүү уонна үөһээ Бүлүү улуустарын бэрэстэбиитэллэрэ үллэһиннилэр.
Көбүөр хаһаайыттарыттан кыайыыны Федор Харлампьев (57 кг), Дмитрий Винокуров (65 кг), Юрий Сергин (85 кг) уонна Николай Николаев (95 кг үөһэ) ситистилэр. Үөһээ Бүлүү хамаандатыгар Семён Тимофеев (75 кг) уонна Платон Саввинов (95 кг) Бүлүү кыһыл көмүс мэтээли аҕаллылар.
Кыттааччылар абсолютнайга бастааһын иһин эмиэ күрэхтэстилэр. Дьэ, манна интэриэһинэй киирсии буолла. Ол курдук, бу турнир хас да төгүллээх абсолютнай чөмпүйүөнэ Николай Николаевы Сунтаар улууһуттан сыддьар Айсен Килибеев хотто. Бүлүү бөҕөһө атахха киирбитин, Килибеев көбүөргэ быраҕан түһэрдэ. Инньэ гынан, финалга Дыгын оонньууларын кыайыылааҕа Кэбээйи улууһуттан сылдьар Алексей Уваровскайдыын көрүстэ. Алексей Уваровскай Сунтаар бөҕөһүн кытта киирсиитигэр, дьулурҕатык тоҕо анньан киирэн, кыайыыны сурунна.
Выбор Быкалыров турнирын кыайыылаахтара уонна призердара:
57 кг: 1 — Федор Харлампьев (Бүлүү улууһа), 2 — Александр Егоров (Үөһээ Бүлүү), 3 — Валерий Антонов (Ньурба);
65 кг: 1 — Дмитрий Винокуров (Бүлүү ), 2 — Петр Алексеев (Бүлүү), 3 — Сергей Александров (Бүлүү);
75 кг: 1 — Семён Тимофеев (Үөһээ Бүлүү), 2 — Владислав Левчиков (Кэбээйи), 3 — Константин Левчиков (Кэбээйи);
85 кг: 1 — Юрий Сергин (Бүлүү), 2 — Алексей Уваровский (Кэбээйи), 3 — Евгений Николаев (Сунтаар);
95 кг: 1 — Платон Саввинов (Үөһээ Бүлүү), 2 — Павел Николаев (Кэбээйи), 3 — Ариан Гоголев (Нам);
95 кг үөһэ: 1 — Николай Николаев (Бүлүү), 2 — Степан Тобонов (Ньурба), 3 — Дмитрий Нехоруков (Ньурба).
Бэс ыйын 29 күнүгэр Уус Алдан улууһун Саһылыкаан учаастагар Үрүҥ Тунах ыһыах ыһылынна. Бу үлүгэр…
Саха биир бастыҥ куолаһа, ыытааччыта Алексей Константинов бу күннэргэ Москваҕа көҥүл тустууга Арассыыйа чөмпүйэнээтигэр дикторынан…
Бүгүн, бэс ыйын 30 күнүгэр, композитор, продюсер, култуура диэйэтэлэ Валерий Филиппович Шадрин олохтон туораата. Бу…
Туймаада ыһыаҕын биир бастыҥ тэрээһининэн «Туймаада Куо-2025» күрэс буолла. Күрэскэ уопсайа 14 кыыс өрөспүүбүлүкэ араас…
Бу күннэргэ социальнай ситиминэн Алдан улууһугар өрүс киртийбитин туһунан устуу тарҕаммыта. Олохтоохтор тустаах тэрилтэлэр бэрэбиэркэ…
Самаан сайын салаллан турар биир чаҕылхай куйаас күнүгэр дьоллоох Дьокуускай куорат килбэйэр киинигэр турар өрөспүүбүлүкэ…