Алексей Уваровскай «Дыгын оонньууларыгар» кыттыбат буолла

«Дыгын оонньууларын» былырыыҥҥы кыайыылааҕа Алексей Уваровскай дьарыктана сылдьан атаҕын эчэтэн, быйылгы күрэхтэһиини көтүтэр буолла. Ол туһунан бүгүн, бэс ыйын 23 күнүгэр, Дьокуускайга буолбут пресс-кэмпириэнсийэҕэ тэрийээччилэр иһитиннэрдилэр.

Быраабыла быһыытынан, спортсмен финалга кыттартан аккаастаннаҕына, иккис сүүмэрдиир түһүмэххэ бэһис миэстэни ылбыт боотур кыттар диэн. Онон Сунтаартан сылдьар Алексей Соколов «Туймаада ыһыаҕын» сүрүн түһүлгэтигэр күрэхтэһэр кыахтанна.