Сайаана Львова хаартыскаҕа түһэриитэ
Бүгүн Дьокуускайга «Эллэй Боотур» муус дыбарыаһыгар тхэквондоҕа күрэхтэһии саҕаланна.
Уопсайа 14 хамаандаттан 88 спортсмен кытта сылдьар. Уолаттар – 48 кг, 55 кг, 63 кг, 73 кг, 73+ кг, оттон кыргыттар – 44 кг, 49 кг, 63+ кг бөлөҕүнэн кыттыахтара. Бүгүн тхэквондо көрүҥэр Саха сирин хамаандатыгар бастакы мэтээли Наталья Лазарева аҕалла. Кини тириэньэрэ Александр Поисеев бүгүн оҕолор үрдүк таһымнаахтык киирсибиттэрин бэлиэтээтэ.
— Бүгүн биһиги спортсменнарбыт үчүгэйдик кытыннылар диэххэ сөп. Александр Бочкарев бастакы рауҥҥа олох үчүгэйдик кииристэ, иккиһигэр ыарырҕатта, үсүһүгэр, хомойуох иһин, хоттордо. Анжелика Николаева эмиэ бастакы, иккис рауннарга үчүгэйдик киирсэн баран бүтэһигэр олох кыранан хоттордо. Оттон Наталья Лазарева олус үчүгэй көрдөрүүнү ситиһэн, үһүс миэстэни ылла. Кини биһиэхэ дьарыктана кэлээтин, успуорка дьоҕурдааҕа биллибитэ. Олус үчүгэйдик үлэлиир, олус дьулуурдаах, күрэхтэһиилэргэ тиһиктээхтик бэлэмнэнэр.
Бастаан кэлэригэр сымнаҕас майгылааҕа, билигин дьулуурданна, тулуурданна. Бойобуой характерданан, сыалын ситиһэргэ үөрэннэ. Биһиги киниттэн итинник кыайыа диэн эрэммиппит. Биһиги оскуолабыт Саха сирин хамаандатыгар биир мэтээли аҕалбытыттан үөрэн, астынан турабыт. Тхэквондо көрүҥэр барыта 14 хамаанда кытта сылдьар. Саха сириттэн икки хамаанда кыттар, бүгүн бастакы хамаандаттан 10 спортсмен кытынна. Сарсын иккис хамаандаттан 3 уол уонна 3 кыыс күрэхтэһиэхтэрэ, кинилэр мэтээли ылыахтара диэн эрэнэбит.
Ньурба улууһун «Ньурбачаан нэһилиэгэ» муниципальнай тэриллии баһылыгын болдьоҕун иннинээҕи быыбара ахсынньы 1 күнүгэр ананна диэн…
Бүгүн Ил Түмэн онус ыҥырыылаах пленарнай мунньаҕа сарсыардаттан тигинэччи үлэлээтэ. Норуот дьокутааттара бастакы үс боппуруоһу…
РФ сэнээтэрэ Егор Борисов Саха сиригэр кэллэр эрэ, дьонун-сэргэтин кытта хайаан да көрсөн, санаатын атастаһар…
Саха Өрөспүүбүлүкэтин Судаарыстыбаннай Мунньаҕын (Ил Түмэн) онус ыҥырыылаах пленарнай мунньаҕа саҕаланна. Пленарнай мунньах сэтинньи 27-28…
"Атах тэпсэн олорон кэпсэтиэх" биэриигэ СӨ Сүрэх уонна тымыр ыарыыларын эмтиир киин дириэктэрин солбуйааччы, РФ…
Ааспыт сууккаҕа Саха сиригэр уон буруйу оҥоруу бэлиэтэннэ диэн СӨ борокуратуурата иһитиннэрэр. Түөкүттэр өрөспүүбүлүкэ түөрт…