Мария Васильева хаартыската, СИА.
Дьокуускай куоракка «Абырал» санаторий бэйэтин аналынан үлэлии турарын таһынан, үһүс мэндиэмэнигэр хантараагынан байыаннай сулууспаҕа сүүмэрдиир пууна муус устартан ыла үлэлиир.
Улуустартан, куораттартан кэлэн хантараагынан сулууспаҕа барыахтаах дьон манна хонон-өрөөн, аһаан-утуйан, доруобуйа туругунан сүүмэрдээһини ааһаллар. Ил Дархан уонна бырабыыталыстыба пресс-сулууспата иһитиннэрбитинэн, «Абырал» санаторий баазатыгар тэриллибит хантараагынан сулууспаҕа барааччылары сүүмэрдиир пууҥҥа урбаанньыттар уон тэлэбиисэри бэлэхтээбиттэр. Ол туһунан санаторий кылаабынай бырааһа Алена Иванова кэпсииригэр, тэлэбиисэрдэри биэриигэ өрөспүүбүлүкэ урбааҥҥа уонна туризмҥа министиэристибэтэ көмөлөспүтүн бэлиэтиир.
— Пуун үлэтигэр атын да министиэристибэлэр, биэдэмистибэлэр көмөлөһөллөр. Холобур, СӨ Култуура министиэристибэтин өттүттэн кэнсиэртэр тэриллэллэр. Успуорт министиэристибэтэ эти-хааны чэбдигирдэр физкултуура дьарыктарын ыытар.
Байыаннай сулууспаҕа хантараагынан бараары кэлбит дьон манна терапевка, лорга, невролокка, хирурга, окулиска, биэс бырааска көрдөрөллөр. Анаалыстары туттараллар, ФЛГ түһэллэр. Итини таһынан психологы ааһаллар. Сүүмэрдиир үлэ сарсыарда 9-тан киэһэ 6 чааска диэри барар. Бу үлэ барыта Доруобуйа харыстабылын министиэристибэтин тэрээһининэн ыытыллар. Пуун хосторо бары толору хааччыллыылаахтар. Онон хантараагынан сулууспаҕа бараары кэлбит дьону сүүмэрдиир пууҥҥа усулуобуйа үчүгэй.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…