Алена Татаринова Сomrades ультрамарафоҥҥа ТОП-14 иһигэр киирдэ

Бэс ыйын 8 күнүгэр Саха сирин спортсменката Алена Татаринова Соҕуруу Африкаҕа Comrades ультрамарафону ситиһиилээхтик түмүктээтэ.

Кини 90 км дистанцияны 6 чаас 31 мүнүүтэ 52 сөкүүндэнэн фиништаата. Сүүрүүтүн орто тэтимэ — 4 мүнүүтэ 22 сөкүүндэ.

Санаттахха, Сomrades ультрамарафоҥҥа дьахталларга экстремальнай сүүрүүгэ 230-тан тахса спортсмен кытынна. Ол эрээри финишка аҕыйах спортсменка тиийдэ.

Марафон маршрута Питермарицбург куораттан Дурбаҥҥа диэри этэ. Салгын температуратыттан көрөн, марафон сарсыарда эрдэ саҕаламмыта. Сүүрүү кэмигэр 20 кыраадыс итии күн турбута. Ону кытта үөһээ тахсыыта тыһыынчаттан тахса миэтэрэ этэ. Бу туһунан «Триумф» пресс-сулууспата суруйар.

Сүүрүү кыайыылааҕынан Соҕуруу Африкаттан Герда Стейн буолла (5 чаас 51 мүнүүтэ).Иккис миэстэни Арассыыйа спортсменката Александра Морозова (5 чаас 55 мүнүүтэ) ылла, үһүскэ Кенияттан Мириюки Шелмиз буолла (6 чаас 7 мүнүүтэ).