"Звезда" телеханаал, "Ищу своих" биэрии
“Звезда” телеханаалга аатырбыт «Алеша» тааҥка экипаһын хорсун быһыыларын туһунан кэпсээтилэр. Телебиэриигэ хамандыыр Александр Леваков, ону тэҥэ Саха сириттэн Алексей Неустроев уонна Филипп Евсеев кытыннылар диэн, СИА суруйар.
Быйыл сайын “Алеша” тааҥка экипаһа хорсун быһыыта Арассыыйаҕа аатырбыта. Кинилэр өстөөх бронетиэхиньикэтин бэйэлэрэ эрэ үлтүрүппүттэрэ. Дьоруой-таҥкыыстар “Ищу своих” бырагыраамаҕа хорсун быһыыларын уонна да атын киирсиилэрин туһунан кэпсээтилэр.
Номоххо киирбит тааҥка хамандыыра, “Ласка” диэн позывнойдаах Александр Леваков тааҥкаларын бастаан ахсынньыга ылбыттарын быһыытынан “Дед мороз” диэн ааттааҕын туһунан кэпсээтэ. Оттон видео кэнниттэн “Алеша” диэн ааттаммыт. Тоҕо диэтэххэ, устууну ыыппыт подразделение бары тааҥкалары итинник ааттыыр.
“Алеша” тааҥка хорсун быһыыта киһини барытын долгуппута. Байыастар үгүс суругу уонна эҕэрдэлэри туппуттара, ол эрээри Шуяттан Маша Мельникова ыыппыт видеота олус долгуппута. Онно кини дьоруой-таҥкыыстарга анаммыт Раиса Бобер хоһоонун аахпыт.
Экипаж чилиэннэрэ биэрии кэмигэр кыысчааны уонна бу хоһоон ааптарын кытта көрсөргө баҕа санаалаахтарын эппиттэр. Биэрии ааптардара кинилэри студияҕа ыҥырбыттар.
Хоһоону айбыт Раиса Бобер (Вологда) репортаһы көрөн баран, бу хоһоону суруйарга быһаарыммытын эттэ. Байыаннай сулууспалаахтар ааптарга истиҥник махтаннылар.
Студияҕа Шуяттан Маша Мельникова эмиэ ыалдьыттаата. Кыысчаан хоһоону ааҕан баран, Арассыыйа бары оҕолорун аатыттан кинилэргэ махтанна уонна экипажка бүлүүс эһэчээни бэлэхтээтэ.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…